ප්‍රංශයේ දී අත්අඩංගුවට පත්ව සිටින මහ පරිමාණ මත්ද්‍රව්‍ය ජාවාරම්කරුවෙකු සහ අපරාධ කල්ලි සාමාජිකයෙකු ලෙස සැලකෙන සිංහාර අමල් සමින්ද සිල්වා හෙවත් කුඩු අංජු සම්බන්ධයෙන් නීතිපති උපදෙස් මත ඉදිරි ක්‍රියාමාර්ග ගන්නා බව පොලීසිය පවසයි.
පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නීතිඥ නිහාල් තල්දුව මහතා සදහන් කළේ අදාළ සැකකරු සම්බන්ධයෙන් මේ වන විටත් නීතිපතිවරයාගෙන් කරුණු විමසා ඇති බවය.
මත්ද්‍රව්‍ය ජාවාරම සහ මනුෂ්‍ය ඝාතන රැසක සැකකරුවෙකු ලෙස සැලකෙන කුඩු අංජු පසුගිය බදාදා දිනයේ ප්‍රංශයේ දී එරට පොලීසිය විසින් අත්අඩංගුවට ගනු ලැබීය.
අදාළ අත්අඩංගුවට ගැනීම සම්බන්ධයෙන් නිල වශයෙන් ශ්‍රී ලංකා රජයට දැනුම් දී ඇති බව පොලිස් මාධ්‍ය ප්‍රකාශක නීතිඥ නිහාල් තල්දුව මහතා සඳහන් කළේය.
“රතු නිවේදන අනුව තමා ප්‍රංශ පොලීසිය විසින් මොහුව අත්අඩංගුවට ගන්නේ. ඒ අත්අඩංගුවට ගැනීමෙන් පසුව ජාත්‍යන්තර පොලීසිය මගින් ලංකාවේ පොලීසියට දැනුම්දීමක් කරලා තිබුණා මේ අත්අඩංගුවට ගැනීම ගැන. ප්‍රංශ රජය හා ශ්‍රී ලංකා රජය අතර පවතින ගිවිසුම සම්බන්ධව විශේෂයෙන් අපරාධකරුවන් සම්බන්ධයෙන් කටයුතු කිරීමේ දී යම් යම් නීතිරීති තියෙනවා. එවැනි නීති සම්බන්ධයෙන් අවදානය යොමුකළ යුතුයි. ඒ වගේම කලාපීය සංවිධාන සමග ඇති කරගත් ගිවිසුම් සම්බන්ධයෙන් අවදානය යොමුකළ යුතුයි. එලෙස ප්‍රංශය අතර ගිවිසුම් තිබේද? නැද්ද? එසේ නම් කටයුතු කළ යුත්තේ කෙසේ ද යන්න පිළිබඳව නීතිපති දෙපාර්තමේන්තුව හා අදාළ අමාත්‍යාංශය සම්බන්ධීකරණයෙන් කටයුතු කළ යුතුයි.”
කුලියාපිටිය කාර්මික විද්‍යාලයේ පළමු වසරේ සිසුවියක් නවකවධය දරාගත නොහැකිව වැවකට පැන සියදිවි නසාගැනීමට උත්සාහ කර…
අධ්‍යාපන ඩිජිටල් පරිවර්තනය සඳහා වූ කාර්ය සාධක බලකායක් ස්ථාපිත කිරීමට කැබිනට් අනුමැතිය ලැබී ඇති බව…
ජනාධිපතිවරණය ප්‍රකාශයට පත් කිරීමෙන් පසු සුරා බදු පනතට පටහැනි අන්දමින් නව මත්පැන් බලපත්‍ර නිකුත් කිරීම…
ප්‍රමිතියෙන් තොර හියුමන් ඉමියුනොග්ලොබියුලින් ප්‍රතිදේහ එන්නත් මිලදී ගැනීමේ සිද්ධිය සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල…
අමාත්‍ය මණ්ඩල සංශෝධනයක් හෝ අග්‍රාමාත්‍ය ධුරයේ වෙනස්වීමක් පිළිබඳව කිසිම අවස්ථාවක ආණ්ඩුව තුළ සාකච්ඡාවක් සිදුකර නොමැති…
හිටපු අමාත්‍ය ඩලස්ගේ වට්ස්ඇප් ගිණුම වෙනත් අයෙකු විසින් හැක් කර ඇති බව වාර්තා වේ. අනතුරුව…