රුපියල් ලක්ෂ 50 කට ආසන්න මුදලක් වැය කරන ඉදිකර ඇති මහඉලුප්පලම නගරයේ පොදු වැසිකිළිය මෙතෙක් විවෘත කිරීමට බලධාරීන් කටයුතු කර නොමැති බවට ප්‍රදේශවාසීන් චෝදනා කරයි.
මෙම වැසිකිළි පද්ධතිය මීට වසර 05 කට පෙර ඉදිකර ඇත්තේ ඉපලෝගම ප්‍රාදේශීය සභාව විසිනි.
මහඉලුප්පල්ලම යනු කෘෂිකර්මික ප්‍රදේශයකි.එම ප්‍රදේශයේ ජීවත් වන බහුතරයක් දෙනා ජීවිකාව ගෙන යන්නේ කෘෂිකර්මාන්තය ආශ්‍රිතවය.එසේ කෘෂිකාර්මාන්තය ආශ්‍රිතව ජීවත් වන පිරිස් තමන්ගේ එදිනෙදා විවිධ වැඩ කටයුතු සදහා නිරන්තර නගරයට පැමිණීම සිදු කරති.
මහඉලුප්පලම නගරය තුළ ප්‍රාදේශීය රෝහලක්,ක්ෂෙත්‍ර භෝග ආයතනයක්, ඉංජිනේරු කාර්යාලය,මහවැලි කාර්යාලය,තැපැල් කාර්යාලයක්,රාජ්‍ය බැංකු, පාසල්, ඇතුළු රජයේ ආයතන රැසක් පිහිටා ඇත.මෙම කාර්යාල වලින් පෙර සදහන් කර ඇති ආකාරයට තම කටයුතු කර ගැනීම සදහා මහඉලුප්පල්ලම නගරයට පැමිනෙන ජනතාවට පොදු වැසිකිළියක් නොමැතිකම විශාල ගැටළුවක් බවට පත්ව ඇත.
සියළුම ඉදිකිරීම් අවසන් වී ඇතත් ජලය සම්පාදනය නොකිරීම නිසා වැසිකිළි පද්ධතිය විවෘත නොකරන බව අප විසින් කරන ලද සෙයා බැලීමේදී අනාවරණය විය.මෙම තත්ත්වය නිසා වැසිකිළි පද්ධතිය තුළ සවි කර ඇති ඇතැම් උපකරණ විනාශ වන්නට පටන් ගෙන ඇතිවා මෙන්ම ගොඩනැගිල්ල විවිධ ගස් කොළන් වලින් වැසී යන තත්ත්වයටද පත්ව ඇති බවක් දක්නට ඇත.
මේ සම්බන්ධයෙන් අදහස් දැක්වූ ප්‍රදේශවාසීන් කියා සිටින්නේ පිරිමි උදවිය තම අවශ්‍යතාවයන් කුමන හෝ ආකාරයකට ඉෂ්ඨ කර ගත්තත් කාන්තාවන් වැසිකිළි පද්ධතියක් නොමැති කම නිසා දැඩි අපහසුතාවයට පත්වන බවය.
“දවසකට මෙන තරම් පිරිසක් මේ නගරයට එනවද?මිනිසුන්ගේ ප්‍රධාන අවශ්‍යතාවයක් වන වැසිකිලි පහසුකම් සපයන්න ප්‍රාදේශීය සභාවට බැරි නම් ඒ ආයතනය මොකටද?අනික නැතිව නෙමෙයිනේ.රුපියල් ලක්ෂ ගානක් වියදම් කරලා හදපු වැසිලිකිය ජනතාව වෙනුවෙන් විවෘත කරන්න බැරි පාලකයෝ මොකටද කියන එකයි අපිට තියන ගැටළුව. පිරිමි අපි නම් කොහොම හරි වැඩේ කර ගන්නවා.ඒත් කාන්තාවන් කොහොමද තමන්ගේ අවශ්‍යතාවය ඉටු කර ගන්නේ.කුඩා දරුවෝ විශාල පිරිසක් දිනපතා ඉපලෝගම නගරයට එනවා.ඒ අයත් මේ තත්ත්වය නිසා ලොකු අපහසුතාවයකින් ඉන්නේ. ඇතැම් අය නගරයේ තියන කඩ වලින් ගිහිං අහනවා වැසිකිළියක් තියනවාද කියලා.ඒක මොන තරම් අපහසු කාරණයක්ද කියලා තේරුම් ගන්න බැරි අය තමයි මේ ප්‍රදේශයේ පාලනය බාර අරගෙන හිටියේ….”තවත් අයෙකු කියා සිටියේය.
“ඇත්තටම මේක කනගාටුදායක තත්ත්වයක් කියලා මම පිළිගන්නවා.මම පත් වෙලා මාස 05 ක පමණ කාලයක් තමයි වැඩ කළේ. වැසිකිළි පද්ධතියට ජලය ලබා ගන්න අවශ්‍ය ඇස්තමේන්තු සකස් කරලා ගෙවීම් පවා කරලා අවසන්. නමුත් ගැටළුවකට තියෙන්නේ ජලය ලබා ගැනීම සදහා බට දාන්න ක්‍රමයක් නෑ.මොකද වැසිකිළි පද්ධිතය ඉදිරිපිට තියෙන්නේ කාපට් පාරක්. ඒ කාපට් පාර කපන්න බැරි නිසා ජලය ලබා ගන්න බට දාන්න හැකියාවක් නෑ.ඒකට විකල්පයක් ලෙස කාපට් පාර යටින් විදලා හෝ ජලය ලබා දෙන්න කියලා මාගේ පාලන කාලයේදී ඉල්ලීමක් කරලයි තියෙන්නේ.මම විශ්වාස කරන විධියට වැඩි දවසක් යන්න පෙර ඔය කියන ගැටළුව විසදෙයි.එතකොට අපිට පුළුවන් ජනතාව වෙනුවෙන් වැසිකිළි පද්ධතිය විවෘත කරන්න..” යැයි මේ සම්බන්ධයෙන් ඉපලෝගම ප්‍රාදේශීය සභාවේ හිටපු සභාපති හේමන්ත චන්ද්‍රකුමාර මහතාගෙන් විමසූ විට කියා සිටියේය.
කිසියම් ඉදිකිරීමක් සිදු කරන විට ඒ සම්බන්ධයෙන් පූර්ව සොයා බැලීමක් කළ යුතු වේ. උගත් නිලධාරීන් සිටින්නේද ඒ සදහාය.ඉදිකර ඇති වැසිකිළි පද්ධිතය ඉදිරිපිට ඇති මාර්ගය තුළ කාපට් ඇතිරීම දවසකින් දෙකකින් ආරම්භ කර අවසන් කරන එකක්ද නොවේ. කාපට් ඇතිරීමට පෙර ජලය ලබා ගැනීම සදහා ක්‍රමවේදයක් සකස් කරන්නට හැකියාවක් නොමැති පාලකයින් නිසා අපහසුතාවයට පත් වන්නේ ජනතාවය.අවාසනාව වන්නේ අප පාලකයින් ඒ ගැන අබමල් රේණුවක් තරම්වත් තැකීමක් නොකිරීමය.
ඔස්ට්‍රේලියානු ජාතික ව්‍යාපාරිකයකු වන බ්‍රයන් ෂැඩික් නමැත්තාට අයත් රුපියල් මිලියන 20ක මෙරට සමාගම් කොටස් සම්බන්ධයෙන්…
2020 වසරේ පැවති ශ්‍රී ලංකා ප්‍රිමියර් ලීග් ක්‍රිකට් තරගාවලියේදී මුදලට තරග පාවාදීම සඳහා ක්‍රීඩකයෙකුට යෝජනා…
අනුරාධපුර ශික්ෂණ රෝහලේ වෛද්‍යවරියගේ සිද්ධියේ සැකකාර හිටපු යුධ හමුදා සෙබළා කළ ඉල්ලීමක් අනුරාධපුර ප්‍රධාන මහේස්ත්‍රාත්…
හිටපු රාජ්‍ය අමාත්‍ය ශෂීන්ද්‍ර රාජපක්ෂ අල්ලස් කොමිසමට පැමිණ ඇති බව වාර්තා වේ. ප්‍රකාශයක් ලබා දීම…
එක්සත් ජනපද ජනාධිපති ඩොනල්ඩ් ට්‍රම්ප් විසින් රටවල් 12ක ජාතිකයින්ට එක්සත් ජනපදයට ඇතුළු වීම තහනම් කර…
මුහුදුබඩ මාර්ගයේ දුම්රිය ප්‍රමාදයක් සිදුව ඇති බව ශ්‍රී ලංකා දුම්රිය සේවය පවසයි. පානදුර සහ එගොඩ…