එක්දරු මවක් ඝාතනය කළ පුද්ගලයෙක් සියදිවි නසාගනී !

අද (13) උදෑසන වව්නියාවේ සිදුවූ වෙඩි තැබීමකින් දෙදෙනෙක් මියගොස් ඇති බව පොලීසිය පවසයි.

පොලීසිය සඳහන් කළේ පුද්ගලයෙකු විසින් එක්දරු මවකට වෙඩිතබා ඝාතනය කර පසුව ඔහුද වෙඩිතබාගෙන සියදිවි නසාගෙන ඇති බවය.

වව්නියාව, පරයනාලන්කුලම්, නිලියාමොටෙයි ප්‍රදේශයේ නිවසක් තුළදී අද (13) අලුයම කාන්තාව වෙඩිතබා ඝාතනය කර තිබුණි.

මෙලෙස වෙඩිතබා ඝාතනය කර ඇත්තේ 26 හැවිරිදි එක්දරු මවකි.

පසවු සැකකරුද අද උදෑසන නිලියාමොටෙයි කොවිල අසලදී වෙඩිතබාගෙන මියගොස් ඇති බව පොලීසිය සැකපළ කරයි.

සැකකරු 24 හැවිරිදි එම ප්‍රදේශයේම පදිංචිකරුවෙක් බව පොලීසිය පවසයි.

මෙම කාන්තාව විවාහවී සිය සැමියා සහ දරුවා සමග නිලියාමොටෙයි ප්‍රදේශයේ පදිංචිවී ඇත.

ඇය විවාහාවීමට පෙර අදාළ සැකකරු සමග ප්‍රේම සම්බන්ධතාවයක් පවත්වා ඇති බව පොලීසියට අනාවරණය වී තිබේ.

සිද්ධිය සම්බන්ධයෙන් වැඩිදුර පොලිස් පරීක්ෂණ ක්‍රියාත්මකය.