ශ්‍රී ලංකා නිදහස් පක්ෂයේ මහලේකම් දයාසිරි ජයසේකරගේ ක්‍රියා කලාපය හෙලා දකිමින් එම පක්ෂයේ ජාතික සංවිධායක දුමින්ද දිසානායක, පක්ෂ සභාපති හිටපු ජනාධිපති මෛත්‍රීපාල සිරිසේන වෙත ලිපියක් යොමුකර තිබුණා.
පිටු 8 කින් යුත් එම ලිපියෙන්, මහලේකම් සහ පක්ෂ සංවිධායකවරයෙකු දයාසිරි ජයසේකර අතර පසුගියදා සිදු වූ දුරකථන සංවාදය පිළිබඳව ද සිහිපත් කර තිබීම විශේෂත්වයක්.
එම සංවාදයේදී මහලේකම්වරයා තමන්ව දෝෂ දර්ශනයට ලක් කිරීම අරුමයක් නොවන බවයි පාර්ලිමේන්තු මන්ත්‍රී දුමින්ද දිසානායක සිය ලිපියෙන් පෙන්වා දුන්නේ.
එසේම, අදාළ ලිපියේ පෙන්වා දී ඇති කරුණු පක්ෂයේ දේශපාලන මණ්ඩලයට සහ මධ්‍යම කාරක සභාවට යොමුකරන ලෙස ද ඔහු, පක්ෂ සභාපති හිටපු ජනාධිපති මෛත්‍රීපාල සිරිසේනගෙන් වැඩිදුරටත් ඉල්ලීම් කර තිබුණා.
කෙසේ වෙතත් මෙම චෝදනාවලට පිළිතුරු දෙමෙන් ශ්‍රී ලංකා නිදහස් පක්ෂයේ මහලේකම් දයාසිරි ජයසේකරගේ ද ලිපියක් යොමු කර තිබෙනවා.
ඒ අනුව ඔහු පෙන්වා දෙන්නේ එය ශ්‍රී ලංකා නිදහස් පක්ෂය ශක්තිමත්ව නැගි සිටින සෑම අවස්ථාවකදීම පක්ෂය දුර්වල කිරීමට සහ පක්ෂය භේද බින්න කරවා පක්ෂය බිඳවැටීම තුළින් පක්ෂය සමග සතුරු ජාතික සහ විජාතික බලවේග ශක්තිමත් කර ඒ තුළින් තමන්ගේ පටු පුද්ගලික ලාභ පරමාර්ථ මුදුන් පමුණුවා ගැනිම සඳහා ඕනෑම අශ්ලීල, පහත් ක්‍රියාවක් සදහා පෙළඹවන දේශපාලන අනාථයකුගේ සිහින් කෙදිරිල්ලක් බවයි.
එමෙන්ම එම ලිපිය තේරුම් නොගැනීමට තරම් අප පක්ෂයේ ඉහලම තලය නියෝජනය කරන දේශපාලන මණ්ඩලය, මධ්‍යම කාරක සභාව සහ ඉහල නායකත්වය පක්ෂයේ සෙසු තලයන් නියෝජනය කරන පාක්ෂිකයන් අදබාලයන් සේ සලකා කටයුතු කිරීම හාස්‍යයජනක බවත් එහිදී ඔහු සඳහන් කළා.
හිටපු මුදල් අමාත්‍ය රවී කරුණානායක ගොනු කළ පෙත්සමක්, ශ්‍රේෂ්ඨාධිකරණය විසින් ප්‍රතික්ෂේප කර තිබෙන බව වාර්තා…
දූෂණ චෝදනා මත අල්ලස් කොමිසම විසින් අත්අඩංගුවට ගන්නා ලද තලවකැලේ ලිඳුල නගර සභාවේ හිටපු සභාපති…
පසුගිය වසරේ ජනවාරි 10 වන දින ගලබොඩවත්ත කොරොතොට ප්‍රදේශයේදී පුද්ගලයෙකු වෙඩි තබා ඝාතනය කිරීමේ සිද්ධියේ…
උසාවියට අපහාස කරන කළැයි කියමින් පුත්තලම මහාධිකරණයෙන් රිමාන්ඩ් බාරයට පත් කිරීමෙන් පසු අභියාචනාධිකරණ විසින් නොපමාව…
ඉන්දියාවේ පැවති 72 වැනි ලෝක රූ රැජින තරගය සඳහා ශ්‍රී ලංකාව නියෝජනය කළ අනුදි ගුණසේකර…
කොළඹ මහ නගර සහාවේ බලය පිහිටුවීම සඳහා ජාතික ජන බලවේගයට එරෙහි පාර්ශවයන්ගේ එකතුවෙන් සැදුම්ලත් පාලනයක්…