මෙරටින් තවත් කොවිඩ් – 19 ආසාදිතයින් 13 දෙනෙක් වාර්තා වී තිබේ.
ඊයේ දිනයේ(16) කොවිඩ් මරණ කිසිවක් වාර්තා වී නොමැත.
මේ අතර අංගොඩ ජාතික බෝවන රෝග විද්‍යායතනය ඩෙංගු රෝගීන්ගෙන් පිරී ඉතිරී ගොස් ඇති බව වාර්තාවේ.
එහි ඩෙංගු රෝගීන් සඳහා මීට පෙර එක් වාට්ටුවක් වෙන් කර තිබුණද රෝගීන්ගේ වැඩිවීම නිසා ඔවුන් වෙනුවෙන් තවත් වාට්ටු තුනක් වෙන් කර දීමට රෝහල් බලධාරීන්ට සිදුව තිබේ.
මේ වන විට ජාතික බෝවන රෝග විද්‍යායතනයේ ඩෙංගු රෝගීන් හැට හය දෙනෙකු නේවාසිකව ප්‍රතිකාර ලබන අතර දිනකට බාහිර රෝගී අංශය වෙත පැමිණෙන රෝගීන්ගෙන් දොළොස් දෙනකු ඩෙංගු රෝගීන් බවත් වාර්තා වේ.
මෙවැනිම තත්ත්වයක් දිවයිනේ අනෙකුත් රෝහල්වලින්ද වාර්තා වන අතර මේ වනවිට දිස්ත්‍රික්ක නවයකම ඩෙංගු රෝගීන් තිස් දහසකට ආසන්න සංඛ්‍යාවත් වාර්තා වී තිබේ.
මෙලෙස දිනෙන් දින ඉහළ යන ඩෙංගු උවදුර මර්දනය කිරීම සඳහා රජයේ සහ පුද්ගලික අංශයේ සියලුම ආයතන පරිශ්‍ර පිරිසුදු කිරීමේ දිනය වශයෙන් සිකුරාදා දිනය නම් කරන ලෙස සෞඛ්‍ය අමාත්‍යාංශය රජයට යෝජනා කර ඇත.
මේ අනුව රජයේ ආයනත, පුද්ගලික ආයතන, පාසල්, ආගමික ස්ථාන, පොදු ස්ථාන ආදිය පිරිසුදු කිරීමේ කටයුතු සිකුරාදා උදය වරුවේ සිදු කිරීමට නියමිතය.
ඊයේ (16) වන විට මේ වසරේදී වාර්තා වන ඩෙංගු මරණ සංඛ්‍යාව විසි දෙකක් දක්වා ඉහළ ගොස් ඇති බවත් ජාතික ඩෙංගු මර්දන ඒකකයේ අධ්‍යක්ෂ විශේෂඥ වෛද්‍ය නලින් ආරියරත්න පැවසීය.
මෙවර IPL ශූරයන් ලෙස කිරුළ පැළඳි රෝයල් චැලෙන්ජර්ස් බැංගලෝරු කණ්ඩායමේ ජය සැමරුම සඳහා බැංගලෝරුහිදී අද…
කුලියාපිටිය කාර්මික විද්‍යාලයේ පළමු වසරේ සිසුවියක් නවකවධය හේතුවෙන් සියදිවි හානිකර ගැනීමට උත්සහ දැරීමේ සිද්ධිය සම්බන්ධයෙන්…
මෙම වසරේ පළමු කාර්තුව තුළ දී ඩොලර් මිලියන 650ක සෘජු විදේශ ආයෝජන ප්‍රමාණයක් ශ්‍රී ලංකාවට…
කාර්යාල පරිශ්‍ර තුළ මුඛ ආවරණ පැළඳීමේ අවශ්‍යතාවයක් නොමැති බව සෞඛ්‍ය හා ජනමාධ්‍ය අමාත්‍යංශයේ ලේකම් විශේෂඥ…
අඛණ්ඩව දෙවන දිනයටත් කොළඹ කොටස් වෙළෙඳපොළ සියලු කොටස් මිල දර්ශකය, අද (04) ඉතිහාසයේ ඉහළම අගය…
පාරිභෝගික කටයුතු පිළිබද අධිකාරිය විසින් ඉකුත් අප්‍රේල් මාසයේ සිදුකළ විමර්ශනයකදී නීතියේ රැහැනට හසුකරගත් ව්‍යාජ ලෙස…