අන්තර්ජාතික කාන්තා විස්සයි20 ක්‍රීඩිකාවන් ශ්‍රේණිගත කිරීමේ ඊයේ නිකුත් වූ නවතම දර්ශකය අනුව ශ්‍රී ලංකා ක්‍රිකට් නායිකා චමරි අතපත්තු ලොව පිතිකරණ ලැයිස්තුවේ 9 වැනි ස්ථානය දක්වා ඉහළට පැමිණියාය.
නිමාවට පත් වූ බංග්ලාදේශයට එරෙහි තරග තුනකින් සමන්විත තරගාවලිය තරග 2-1ක් ලෙස ජය ගැනීමත් සමඟ චමරී ස්ථාන දෙකකින් ඉදිරියට පැමිණීමට සමත් වූවාය.
වමතින් පන්දුවට පහරදෙන ආරම්භක පිතිකාරිණිය වූ චමරි අතපත්තු එම තරග තුනේදී ලකුණු 38ක්, 33ක් සහ 32ක් ලබා ගනිමින් දක්ෂතා දැක්වූ හෙයින් මේ උසස්වීම ලැබී තිබේ.
ඇය එක්දින ජාත්‍යන්තර තරගවල පිතිකරණය අනුව එක් ස්ථානයකින් ඉදිරියට පැමිණ ලොව 7 වැනි ස්ථානයේ සිටී. ශ්‍රී ලංකා කාන්තා ක්‍රිකට් පිලේ හර්ෂිතා සමරවික්‍රම සහ නිලක්ෂි ද සිල්වා කාන්තා විස්සයි20 ක්‍රීඩිකාවන් ශ්‍රේණිගත කිරීම්වල ඉදිරියට පැමිණ සිටින අතර, හර්ෂිතා තරග තුනේදී ලකුණු 125ක් රැස්කරමින් 27 වැනි ස්ථානයට හා අවසන් තරගයේදී නොදැවී ලකුණු 63ක් රැස්කළ නිලක්ෂි 51 වැනි ස්ථානයට ද පත්ව සිටී.
බංග්ලාදේශයට එරෙහි තරගාවලියේදී කඩුලු 4ක් දවාගත් වමතින් පන්දු යවන ඉනෝකා රණවීර ස්ථාන 4කින් පෙරට පැමිණ 12 වැනි ස්ථානය දක්වා ද කඩුලු 5ක් දවාගත් සුගන්ධිකා කුමාරි ස්ථාන 9කින් ඉහළට පැමිණ 33 වැනි ස්ථානය දක්වා සහ කඩුලු 5ක් දවාගත් උදේශිකා ප්‍රබෝධිනී ස්ථාන 11කින් ඉහළට පැමිණ 38 වැනි ස්ථානය දක්වා ද ඉදිරියට පැමිණියහ.
බාලවයස්කාර පාසල් සිසුවියක් පැහැරගෙන ගොස් හපුතලේ ප්‍රදේශයේ නිවසක රඳවා තබා ගත් තරුණයෙකු ලිඳුල පොලිසිය විසින්…
තලංගම පොලිස් වසමේ තලවතුගොඩ ප්‍රදේශයේදී අද අලුයම් කාලයේ වෙඩි තැබීමක් සිදුව ඇති බව වාර්තා වේ.…
බේරුවල ධීවර වරායෙන් මුහුදුගිය යාත්‍රාවක සිටි පුද්ගලයෙකු අද (19) අලුයම ඇති වූ සැඩ සුළඟට හසු…
ඉන්දීය ගුවන්සේවා මගින් ක්‍රියාත්මක කරන ගුවන් ගමන් සඳහා තම ගුවන් අවකාශය වසා දැමීමට පාකිස්තානය ගත්…
නේපාලය විසින් ටෙලිග්‍රෑම් පණිවිඩ යෙදුම තහනම් කර ඇති බව විදෙස් මාධ්‍යය වාර්තා කරයි.. නේපාල විදුලි…
ඊශ්‍රායලයේ කෘෂිකාර්මික සේවයේ නිතර මෙරට තරුණයින් රැගත් බස් රථයක් හදිසි ගිනිගැනීමකට ලක්ව ඇති බව එරට…