රහ අපල දුරු කිරීම සඳහා 13 හැවිරිදි පිරිමි දරුවෙකුගේ දකුණු අත්ලමත දැල්වෙන කපුරු තබා පුළුස්සා බරපතළ පිළිස්සුම් තුවාල සිදු කළ හිමිනමක් නමක් වීරවිල පොලිසිය විසින් අද (18) අත්අඩංගුවට ගෙන තිබේ.
අත්අඩංගුවට ගෙන ඇත්තේ උඩිවිල ගංගාරාම විහාරස්ථානයේ විහාරාධිපති ධූරය දරන තෙලිජ්ජවිල සරණ නැමැති භික්ෂුවකි.
තුවාල ලබා ඇත්තේ වීරවිල කුඩා ගම්මන ප්‍රදේශයේ පදිංචි, වීරවිල නව නගරයේ පාසලක ඉගෙනුම ලබන දරුවෙක් බව පොලිසිය කියයි.
දෙමව්පියන් විසින් අතහැර දමා ගොස් ඇති පිරිමි දරුවා මිත්තණිය සමඟ ජීවත් වන බව පොලිසිය පවසයි. පරීක්‍ෂණවලදී හෙළිවූයේ මිත්තනිය විසින් පිරිමි ළමයාගේ කේන්දරය බැලිම සඳහා අසල පිහිටි වීරවිල ගංගාරාම රාම විහාරස්ථානයේ ජ්‍යොතිෂ්‍යවේදියකු හා යක්ෂ බල පළවා හරින්නේකු බව කියන භික්ෂුව වෙත දරුවා රැගෙන ගොස් ඇති බවයි.
කේන්දරය බැලූ භික්‍ෂූව ආගමික වතාවත් සිදු කර, ග්‍රහ අපල දුරු කිරීමට අවශ්‍ය බව පවසමින් දරුවාගේ දකුණු අත්ල මත තබා කපුරු දවා ඇත.
ග්‍රහ අපල දුරුවීම කෙසේ වෙතත්, බරපතළ පිළිස්සුම් තුවාල ලැබූ දරුවා දෙබරවැව රෝහලට ඇතුළත් කිරීමෙන් අනතුරුව වැඩිදුර ප්‍රතිකාර සඳහා හම්බන්තොට මහ රෝහල වෙත මාරුකර යවා ඇත.
අත්අඩංගුවට ගත් සැකකාර හිමිනම තිස්සමහාරාම මහේස්ත්‍රාත් අධිකරණයට ඉදිරිපත් කිරීමට නියමිතව තිබිණි.
කලවාන ප්‍රාදේශීය සභා නව මන්ත්‍රී සුජීව පුෂ්පකුමාර අද (ජුනි 2) විදුලි සැර වැදී මිය ගොස්…
ලොව පුරා පැතිර යන නව කොවිඩ් වෛරසය සම්බන්ධව වර්තමාන තත්ත්වය පැහැදිලි කරමින් සෞඛ්‍ය හා ජනමාධ්‍ය…
හිටපු මුදල් අමාත්‍ය රවී කරුණානායක ගොනු කළ පෙත්සමක්, ශ්‍රේෂ්ඨාධිකරණය විසින් ප්‍රතික්ෂේප කර තිබෙන බව වාර්තා…
දූෂණ චෝදනා මත අල්ලස් කොමිසම විසින් අත්අඩංගුවට ගන්නා ලද තලවකැලේ ලිඳුල නගර සභාවේ හිටපු සභාපති…
පසුගිය වසරේ ජනවාරි 10 වන දින ගලබොඩවත්ත කොරොතොට ප්‍රදේශයේදී පුද්ගලයෙකු වෙඩි තබා ඝාතනය කිරීමේ සිද්ධියේ…
උසාවියට අපහාස කරන කළැයි කියමින් පුත්තලම මහාධිකරණයෙන් රිමාන්ඩ් බාරයට පත් කිරීමෙන් පසු අභියාචනාධිකරණ විසින් නොපමාව…