කොටුව දුම්රිය ස්ථානය ඉදිරිපිට ඕල්කට් මාවතේ ඉතා අපිරිසිදු තත්ත්වයෙන් පවත්වාගෙන ගිය හෝටල් 05 ක් අද(19) දින සිට වසා තැබීමට මාලිගාකන්ද මහේස්ත්‍රාත් ලෝචනා අබේවික්‍රම නියෝග කළාය.
ඕල්කට් මාවතේ පිහිටි මෙම හෝටල් කොළඹ මහ නගර සභාවේ මහජන සෞඛ්‍ය පරීක්ෂකවරුන් විසින් 17 සහ 18 දිනවල දැඩි පරීක්ෂාවට ලක් කරන ලදුව ඉතා අපිරිසිදු තත්ත්වයෙන් පවත්වාගෙන යන ආකාරය නිරීක්ෂණය කර තිබිණි.
ඊයේ (18) මෙම හෝටල් 05ට විරුද්ධව මහජන සෞඛ්‍ය පරීක්ෂකවරුන් විසින් නඩු පවරන ලැබීය .
මහජන සෞඛ්‍ය පරීක්ෂකවරුන් විසින් මීට පෙර මෙම හෝටල් දැඩි පරීක්ෂාවට ලක් කර අපිරිසිදු ලෙස පැවති හෝටල් පිරිසිදු ආකාරයෙන් පවත්වාගෙන යාමට අවශ්‍ය උපදෙස් හෝටල් කරුවන් වෙත ලබා දී තිබුණ බවත්, එම උපදෙස් නොසලකා හරිමින් ඉතා අපිරිසිදු තත්ත්වයෙන් දිගටම එම හෝටල් පවත්වාගෙන යමින් සිටි බව මහජන සෞඛ්‍ය පරීක්ෂකවරුන් අධිකරණයට කරුණු වාර්තා කර තිබිණි. .
වසා දැමූ හෝටල් 05 ලබන මස 16 වන දිනට පෙර ඉතා පිරිසිදු තත්ත්වයෙන් සකසා අඩුපාඩු සම්පූර්ණ කර මහජන සෞඛ්‍ය පරීක්ෂකවරුන් මගින් අධිකරණයට වාර්තා කරන ලෙසට මෙහිදී මහේස්ත්‍රාත්වරිය හෝටල් හිමිකරුවන් හට නියෝග කරනු ලැබීය
කොළඹ මහ නගර සභාවේ ප්‍රධාන සෞඛ්‍ය වෛද්‍ය නිලධාරී විශේෂඥ වෛද්‍ය රුවන් විජයමුණිගේ උපදෙස් පරිදි නියෝජ්‍ය ප්‍රධාන සෞඛ්‍ය වෛද්‍ය නිලධාරී වෛද්‍ය ශ්‍රී ප්‍රතාපන් සහ දිසා අංක 02 සෞඛ්‍ය වෛද්‍ය නිලධාරී පැතුම් කොඩිකාරගේ මෙහෙයවීමෙන් ප්‍රධාන මහජන සෞඛ්‍ය පරීක්ෂක කේ .ඒ .අබයරත්න , මහජන සෞඛ්‍ය පරීක්ෂකවරුන් වන සිමාෆ්, වැලිකල, ඉන්දික , දිල්ශාන් යන නිලධාරීහු මෙම වැටලීම සිදුකළහ
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…