එළැඹෙන 2024 වසරේදී සාමාන්‍ය පෙළ හා උසස් පෙළ විභාග දෙකම එකම වසරක් තුළ පැවැත්වීමට හැකි වන ලෙස පාසල් අධ්‍යයන කටයුතු. ක්‍රමානුකූලව සාමාන්‍ය තත්ත්වයට පත් කරන බව අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා පැවැසුවා.
ඒ තුළින් විභාග කාලසටහන යාවත්කාලීන කිරීමට බලාපොරොත්තු වන බවද හෙතෙම සඳහන් කළා.
අ.පො.ස සාමාන්‍ය පෙළ ඉහළින් සමත්, අඩු ආදායම්ලාභී ආර්ථික දුෂ්කරතා සහිත පවුල්වල සිසු-සිසුවියන්ගේ උසස් පෙළ අධ්‍යාපන කටයුතු වෙනුවෙන් ශිෂ්‍යත්ව ප්‍රදානය කිරීම සඳහා අධ්‍යාපන අමාත්‍යාංශයේ ඊයේ (18) පැවැති වැඩසටහනකදී ඔහු මේ බව පැවැසුවා.
මේ අවස්ථාවට ඉන්දියානු මහකොමසාරිස් ගෝපාල් බාග්ලේද සහභාගි වුණා.
විද්‍යාපීඨ ගුරුවරුන් 7,800කට එළැඹෙන ජුනි 15දා නව පත්වීම් ලබාදීමට සැලසුම් කොට ඇතැයි ඇමැතිවරයා පැවැසුවා.
එමඟින් ජාතික හා පළාත් පාසල්වල ගුරු හිඟය පියවීමට පියවර ගන්නා බවත් ඔහු සඳහන් කළා.
විද්‍යාව, තාක්ෂණය හා භාෂාව වැනි ගුරු හිඟය වැඩි වශයෙන් පවතින විෂය ක්‍ෂේත්‍රවලට අනුමැතිය ලබාගැනීමෙන් පසු විශ්වවිද්‍යාලවලින් පිටවන වයස 35ට අඩු උපාධිධාරීන් ජාතික හා පළාත් මට්ටමින් පාසල් ගුරුවරු බඳවාගැනීමට ඉදිරියේදී පියවර ගන්නා බවද හෙතෙම අවධාරණය කළා.
මෙම ශිෂ්‍යත්ව වැඩසටහන ඉන්දීය රජයේ අනුග්‍රහය මත ශ්‍රී ලංකාවේ ඉන්දියානු මහකොමසාරිස් කාර්යාලය හා අධ්‍යාපන අමාත්‍යාංශය ඒකාබද්ධව 2006 වර්ෂයේ සිට ක්‍රියාත්මක කෙරෙනවා.
ඉන්දියානුවන් නිදහසේ පියා ලෙස හදුන්වන මහත්මා ගාන්ධිතුමාගේ ගුණානුස්මරණය පිණිස “මහත්මා ගාන්ධි ශිෂ්‍යත්ව” ලෙසින් මේ ශිෂ්‍යත්වය නම් කර තිබෙනවා.
යුක්‍රේන ජනාධිපති වොලොඩිමියර් සෙලෙන්ස්කි විසින් එරට අග්‍රාමාත්‍ය ධුරයේ වෙනසක් සිදුකර ඇතැයි විදෙස් මාධ්‍ය වාර්තා කරයි.…
අල්ලස් කොමිසම විසින් තමන්ව අත්අඩංගුවට ගැනීමට පෙර අපේක්ෂිත ඇපයක් මත මුදාහරින ලෙස ඉල්ලා හිටපු අමාත්‍ය…
හඳුනානොගත් නීතිවිරෝධී පිරමීඩ යෝජනා ක්‍රම 50කට අධික සංඛ්‍යාවක් මෙරට තුළ ක්‍රියාත්මක වන බව ශ්‍රී ලංකා…
ඇමෙරිකාව විසින් යෝජනා කරනු ලැබූ තීරු බදු අඩුකර ගැනීම සඳහා අඛණ්ඩ සාකච්ඡා පැවැත්වීමට තීරණය කර…
දෙහිවල දුම්රිය ස්ථානය අසලදී පුද්ගලයෙකු ඉලක්ක කර වෙඩිතැබීමක් සිදුකර ඇති බව වාර්තා වේ. මීට සුළු…
2014 වසරේ අනුරාධපුර දිස්ත්‍රික්කයේ දිළිඳු ගොවීන් සඳහා සහනදායි මිල ගණන් යටතේ බෙදා දීමට රුපියල් මිලියන…