බොරැල්ල – ලෙස්ලි රණගල මාවතේදී අද (මැයි 20) උදෑසන සිදු වූ වෙඩි තැබීමෙන් මිය ගොස් ඇත්තේ, මේජර් තුවාන් මුතාලිෆ් ඝාතනයට සැකකරුවෙකු ලෙස අත්අඩංගුවට ගෙන පසුව නිදහස ලැබූ පුද්ගලයෙකු බවට විමර්ශනවලදී අනාවරණය වී තිබේ.
අද අලුයම යතුරු පැදියකින් පැමිණි දෙදෙනෙකු තව ත් යතුරුපැදියකින් ගමන් කරමින් සිටි මෙම පුද්ගලයාට වෙඩි තබා තිබිණි.
සිද්ධියෙන් මිය ගොස් තිබුණේ, කැළණිය ප්‍රදේශයේ පදිංචි 53 හැවිරිදි පුද්ගලයෙකි.
මොහු පෞද්ගලික ආයතනවලට සේවකයින් සැපයීමේ සේවාවක් පවත්වාගෙන යන අයෙකු බව සඳහන් වන අතර, ඔවුන්ට වැටුප් ලබා දීම සඳහා ලෙස්ලි රණගල මාවතේ පිහිටි සිය සහෝදරියකගේ නිවසකට අද පෙරවරුවේ පැමිණි අවස්ථාවේදී මෙම වෙඩි තැබීම සිදුව ඇත.
සිය දියණිය ත් සමග ඔහු පැමිණ ඇති අතර, ඇය මුදල් රැගෙන සහෝදරියගේ නිවසට ගිය අවස්ථාවේදී යතුරුපැදියකින් පැමිණි දෙදෙනෙකු වෙඩි තැබීම සිදුකර පළා ගොස් ඇති බව පොලිස් විමර්ශනවලදී අනාවරණ වී තිබේ.
කෙසේ වෙතත්, වෙඩි තැබීමට නිශ්චිත හේතුව හෝ එය කවුරුන් විසින් කරන ලද්දක් ද බව මෙතෙක් අනාවරණය වී නොමැති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නිහාල් තල්දූව පැවසීය.
2005 වසරේ මැයි මස 31 වන දා මේජර් තුවාන් මුතාලිෆ් ඝාතනයට ලක්වූයේ නාරාහේන්පිට ප්‍රදේශයේදී ය.
පුර්ණ රුධිර ගණන පරීක්ෂණ වාර්තාවකට (Full Blood Count Test) වැඩිපුර මුදල් අය කළ මල්වාන ප්‍රදේශයේ…
රක්ෂිත බන්ධනාගාරගත කර සිටි හිටපු අමාත්‍ය කෙහෙළිය රඹුක්වැල්ල සහ ඔහුගේ පුත් රමිත් රඹුක්වැල්ල ඇප මත…
ඉන්දීය ප්‍රිමියර්ලීග් ක්‍රිකට් තරගාවලියේ (IPL ) අවසන් මහා තරගය අද (03) පැවැත්වීමට නියමිතය. ඒ පන්ජාබ්…
මාර්ගගත ක්‍රමය ඔස්සේ තරුණ තරුණියන්ට රැකියා දෙන බව පවසමින් මහා පරිමාණ පිරමීඩ ජාවාරමක් කර රුපියල්…
ඩෙංගු, චිකුන්ගුන්යා, ඉන්ෆ්ලුවෙන්සා සහ කොවිඩ් අවදානම පිළිබඳ මෙරට සෞඛ්‍ය අංශ නිසි අවධානය යොමුකර අවශ්‍ය පියවර…
යුරෝපයේ විශාලතම ගිනිකන්ද වූ එට්නා ගිනිකන්ද සක්‍රීය වී තිබෙනවා. ඒ අනුව ඉන් කිලෝ මීටර් කිහිපයක්…