සිංගප්පූරුවේදී මියගිය ගෘහ සේවිකාවගේ දේහය මෙරටට රැගෙන එයි !

සිංගප්පූරුවේදී මිය ගිය ගෘහ සේවිකාවගේ දේහය අද (20) දිවයිනට රැගෙන එනු ලැබුවා.

ඇගේ දේහය සම්බන්ධව කඩිනම් විමර්ශනයක් සිදුකරන බවයි විදේශ සේවා නියුක්ති කාර්යංශය පවසන්නේ.

විදේශ සේවා නියුක්ති කාර්යංශයේ සභාපති හිල්මි අසීස් මහතාගේ උපදෙස් පරිදි අදාළ විමර්ශනය සිදුකරන බවයි එම කාර්යංශයේ නියෝජ්‍ය සාමාන්‍යාධිකාරී මාධ්‍ය ප්‍රකාශක සෙනරත් යාපා සඳහන් කරන්නේ.

මෙලෙස ජිවිතක්ෂයට පත්ව තිබුණේ දංකොටුව – මොටෑමුල්ල ප්‍රදේශයේ පදිංචිව සිට විදෙස් ගත වූ 41 හැවිරිදි විවාහක කාන්තාවක්.

ඇය සේවය කළ නිවසේ පුද්ගලයන්ගෙන් කරදර එල්ල වන බවත් තමන්ට ශ්‍රී ලංකාවට යාමට අවශ්‍ය බවත් ඇය සිය මිතුරියන්ට මිට පෙර ප්‍රකාශ කර ඇති බව සඳහන්.

ඇය මහල් නිවසෙන් ඇඳ වැටෙන ආකාරය කිසියම් පුද්ගලයෙකු විසින් වීඩියෝ ගතකර ඇති බවද වාර්තා වනවා.