තමා සිදුකළ ප්‍රකාශයෙන් බෞද්ධ, හින්දු, ඉස්ලාම් සහෝදර ජනතාවගේ සිත් රිදවීමක් සිදු වුවා නම් ඊට සමාව අයද සිටින බව දේවගැති ජෙරොම් ප්‍රනාන්දු පවසනවා.
දේවගැතිවරයා මේ බව ප්‍රකාශ කළේ මිරිහාන ප්‍රදේශයේ උත්සව ශාලාවක පැවති ආගමික දේශනයකට අන්තර්ජාලය ඔස්සේ සජීවීව සම්බන්ධ වෙමින්.
බුදුන් වහන්සේට සහ තවත් ආගමික විශ්වාසයන් නිගරු වන අන්දමින් අදාළ දේවගැතිවරයා සිදුකළ ප්‍රකාශයක් පසුගියදා සමාජයේ දැඩි කතාබහට ලක්වුණා.
එම ප්‍රකාශය සම්බන්ධයෙන් විවිධ පාර්ශව ඔහුට එරෙහිව නීති අංශ වෙත පැමිණිල්ලක් ද සිදුකළා.
මේ අනුව සර්ව පාක්ෂික අරගලකරුවන් සංවිධානය, භික්ෂු පෙරමුණ සහ පිවිතුරු හෙළ උරුමය ආදී පාර්ශවයන් දේවගැතිවරයාට එරෙහිව පැමිණිලි ගොනු කරමින් දේවගැතිවරයාගේ ප්‍රකාශයට සිය විරෝධය පළ කළා.
මේ අතර, ජෙරම් ප්‍රනාන්දු දේවගැතිවරයා රටින් පිටවීම වළක්වාලමින් අපරාධ පරීක්ෂණ දෙපාර්තමේන්තුව විසින් පසුගිය 16 වනදා කොටුව මහේස්ත්‍රාත් අධිකරණයෙන් වාරණ නියෝගයක් ලබාගෙන තිබුණා.
ඊට අමතරව ඔහුගේ වත්කම් සම්බන්ධයෙන් විමර්ශනයක් ක්‍රියාත්මක වනවා.
මෙවැනි පසුබිමක් යටතේ කටුනායක පිහිටි මිරැකල් ඩෝම් සම්මේලන මධ්‍යස්ථානයේ අද (21) ආගමික දේශනයක් පැවැත්වෙන බවට ඔහු පසුගිය දිනකට පෙර සමාජ මාධ්‍යවල සටහනක් පළකර තිබුණා.
කෙසේ නමුත් ඔහු එම රැස්වීම අවලංගු කර ඇති අතර ඉන් අනතුරුව එය දෙහිවල පැවැත්වෙන බවට සටහනක් තබා තිබුණා.
එහෙත් එය අවලංගු කර පසුව අදාළ ආගමික දේශනය මිරිහාන ප්‍රදේශයේ ස්ථානයක පැවැත්වීමට කටයුතු යොදනු ලැබුවා.
එහිදී දේවගැති ජෙරොම් ප්‍රනාන්දු අන්තර්ජාලය ඔස්සේ ආගමික දේශනයට එක්ව සිටියා.
ජෙරොම් ප්‍රනාන්දු මෙහිදී සඳහන් කළේ තමා අනිවාර්යෙන් මෙරටට පැමිණෙන බවත් ඊට අදාළ කටයුතු තම නීතිඥවරුන් ඉදිරි කටයුතු සිදු කරනු ලබන බවයි.
යුක්‍රේන ජනාධිපති වොලොඩිමියර් සෙලෙන්ස්කි විසින් එරට අග්‍රාමාත්‍ය ධුරයේ වෙනසක් සිදුකර ඇතැයි විදෙස් මාධ්‍ය වාර්තා කරයි.…
අල්ලස් කොමිසම විසින් තමන්ව අත්අඩංගුවට ගැනීමට පෙර අපේක්ෂිත ඇපයක් මත මුදාහරින ලෙස ඉල්ලා හිටපු අමාත්‍ය…
හඳුනානොගත් නීතිවිරෝධී පිරමීඩ යෝජනා ක්‍රම 50කට අධික සංඛ්‍යාවක් මෙරට තුළ ක්‍රියාත්මක වන බව ශ්‍රී ලංකා…
ඇමෙරිකාව විසින් යෝජනා කරනු ලැබූ තීරු බදු අඩුකර ගැනීම සඳහා අඛණ්ඩ සාකච්ඡා පැවැත්වීමට තීරණය කර…
දෙහිවල දුම්රිය ස්ථානය අසලදී පුද්ගලයෙකු ඉලක්ක කර වෙඩිතැබීමක් සිදුකර ඇති බව වාර්තා වේ. මීට සුළු…
2014 වසරේ අනුරාධපුර දිස්ත්‍රික්කයේ දිළිඳු ගොවීන් සඳහා සහනදායි මිල ගණන් යටතේ බෙදා දීමට රුපියල් මිලියන…