ශ්‍රී ලංකා රග්බි තහනම් කලේ ඇයි? – හිටපු සභාපති රිස්ලි ඉල්ලියාස් කට අරී !

ලෝක රග්බි සංගමය විසින් ශ්‍රී ලංකාවට තහනම පනවනු ලැබුවේ, දේශපාලන අතපෙවීම් නිසා බව රග්බි සංගමයේ හිටපු සභාපති රිස්ලි ඉල්ලියාස් මහතා ප්‍රකාශ කරනවා.

මාධ්‍ය වෙත අදහස් දක්වමින් ඔහු කියා සිටියේ, ලෝක රග්බි සංගමයෙන් ලැබුණු ලිපියේ පළමු වැනි වාක්‍යයෙන් සඳහන් වන්නේ ක්‍රීඩා අමාත්‍යාංශය ශ්‍රී ලංකා රග්බි තහනම් කළ හේතුවෙන් එම දේශපාලන අතපෙවීම් නිසා මෙම තහනම සිදුකළ බවයි.

ක්‍රීඩා අමාත්‍ය රොෂාන් රණසිංහ මහතා පත් කළ ස්ථාවර කරන කමිටුව, ලෝක රග්බි සංගමය පිළිනොගන්නා බවත් නිලවරණයෙන් පත්වූ කමිටුවක් පමණක් ඔවුන් පිළිගන්නා බවත් දැනුම් දී තිබුණා.

එම ස්ථාවර කරන කමිටුව විසින් කරනු ලැබුවේ, ශ්‍රී ලංකා රග්බි තහනම් කළ සැනින් කාර්යාලය මුද්‍රා තැබීමයි.

ඊට අදාළ කිසිදු පරීක්ෂණයක් මේ වනතෙක් සිදු කර නොමැති අතර ඒ සඳහා අධිකරණ නියෝගයක් ද ලැබීමට නියමිත බවයි ඉල්ලියාස් මහතා පැවසුවේ.

ශ්‍රී ලංකාව තුළ රග්බි ක්‍රීඩාව කඩා නොවැටුණත් ජාත්‍යන්තර තරග සඳහා සහභාගි වීමට නොහැකි බවද රග්බි සංගමයේ හිටපු සභාපති රිස්ලි ඉල්ලියාස් මහතා අවධාරණය කර සිටියා.