රජ​ය තෙල් සංස්ථාවේ ඒකාධිකාරිය බිඳ දමයි – සිනොපෙක් සමග ගිවිසුමට අත්සන තබයි !

මෙරටට ඉන්ධන ආනයනය කිරීම, ගබඩා කිරීම සහ බෙදාහැරීමේ කටයුතු සඳහා (Sinopec) සිනොපෙක් සමාගම සමග වන ගිවිසුමට අද අත්සන් තබා තිබෙනවා.

ජනාධිපති මාධ්‍ය අංශය සඳහන් කළේ, ජනාධිපති කාර්යාලයේ දී අද පෙරවරුවේ මෙම ගිවිසුමට අත්සන් තැබුණු බවයි.

මෙරටට ඉන්ධන ආනයනය කිරීම, ගබඩා කිරීම සහ බෙදාහැරීම සම්බන්ධයෙන් මීට පෙර සිනොපෙක් ලංකා සමාගම සමග සාකච්ඡා පැවැත්වුණා.

ඉන් පසු අමාත්‍ය මණ්ඩලය විසින් මේ සම්බන්ධයෙන් නිර්දේශ ඉදිරිපත් කිරීම සඳහා විශේෂ කමිටුවක් පත්කරනු ලැබුවා.

චීන සහ සිංගප්පූරු මව් සමාගමක් යටතේ ක්‍රියාත්මක වන සිනොපෙක් ලංකා සමාගම සමග අද ගිවිසුම අත්සන් තැබුණේ අදාළ කමිටුවේ නිර්දේශ මතයි.

ඒ අනු​ව කැබිනට් මණ්ඩලය විසින් පත් කරන ලද විශේෂ කමිටුවේ නිර්දේශ අනුව, ඛණිජ තෙල් නිශ්පාදන  ආනයනය, ගබඩා කිරීම, බෙදා හැරීම සහ විකිණීම සම්බන්ධයෙන් දීර්ඝ කාලීන කොන්ත්‍රාත්තුවක් සඳහා Sinopec Fuel Oil Lanka (Pvt) Ltd සහ චීනයේ සහ සිංගප්පූරුවේ එහි මව් සමාගම සමඟ සාකච්ඡා අවසන් කර ඇති බව ජනාධිපති මාධ්‍ය අංශය දන්වා ඇත.