ඉන්දියාවට නව පාර්ලිමේන්තුවක් !

මෙම සති අන්තයේදී ඉන්දියාවේ නව පාර්ලිමේන්තුව විවෘත කිරීමට නියමිත බව විදෙස් මාධ්‍ය වාර්තා කරනවා.

ඒ අනුව අග්‍රාමාත්‍ය නරේන්ද්‍ර මෝදි විසින් නව පාර්ලිමේන්තු ගොඩනැගිල්ල විවෘත කිරීමට නියමිතයි.

මේ සම්බන්ධව විපක්ෂ නායකයින් අදහස් දක්වා ඇත්තේ, ඉන්දියාවේ ඉහළම ව්‍යවස්ථාපිත බලධාරියා වන ජනාධිපතිවරයා විසින් ගොඩනැගිල්ල විවෘත කළ යුතු බවයි.

විදෙස් මාධ්‍ය වාර්තා වැඩි දුරටත් සඳහන් කළේ, ප්‍රධාන විපක්ෂය වන කොන්ග්‍රසය ඇතුළු පක්ෂ 19ක් සමාරම්භක උත්සවය වර්ජනය කරන බවයි.

මේ සම්බන්ධයෙන් ඉන්දියාවේ ස්වදේශ කටයුතු අමාත්‍ය අමිත් ෂා විසින් විපක්ෂයෙන් ඉල්ලීමක් කර තිබෙනවා.

ඒ මෙම උත්සවය දේශපාලනීකරණය නොකරන ලෙසයි.

කෙසේ නමුත් උත්සවය සඳහා සියලුම දේශපාලන පක්ෂවලට ආරාධනා කර ඇති බව විදෙස් මාධ්‍ය වාර්තා කරනවා.