අබිරහස් ලෙස මිය ගිය ප්‍රකට ව්‍යාපාර නායක දිනේෂ් ෂාෆ්ටර් ගේ දේහය යළි ගොඩ ගැනීම් කටයුතු මේ වනවිට ආරම්භ වී ඇති අතර එය විවෘත ව සිදු කළ යුතු බවට මහෙස්ත්‍රාත්වරිය නියෝග කර තිබියදීත් පොලිසිය මාධ්‍යයට එය ආවරණය කිරීමට ඉඩ නොදෙමින් ක්‍රියා කරන බවට වාර්තාකරුවො සඳහන් කරති.
ෂාෆ්ටර් මහතා ගේ මරණයට හේතුව නිශ්චය කිරීම සඳහා අධිකරණය විසින් පත් කරන ලද වෝහාරික වෛද්‍ය විද්‍යව පිළිබඳව විශේෂඥ වෛද්‍ය මණ්ඩලයේ ඉල්ලීම අනුව මෙම දේහය අද දින ගොඩ ගැනීම සඳහා අපරධ පරීක්ෂණ දෙපාර්තමේන්තුව විසින් කටයුතු කර ඇති අතර ඊයේ (24) දිනෙෂ් ෂාෆ්ටර් මහතා ගේ පාර්ශ්වයට අධිකරණයෙන් ඉල්ලා සිට ඇත්තේ දේහය ගොඩ ගැනීමේ කටයුතු ආවරණ සහිතව සීමා සහිත පිරිසත් මධ්‍යයේ සිදුකරන ලෙසය.
කෙසේ වුවද මහෙස්ත්‍රාත් රජින්ද්‍රා ජයසූරිය මහත්මිය එම ඉල්ලීම ප්‍රතික්ෂේප කරමින් නියෝග කර ඇත්තේ මෙම දේහය ගොඩ ගැනීමේ කටයුතු විවෘතව සිදු කළ යුතු බවය.
ඒ අනුව අද මෙම කටයුතු ආවරණය කිරීමට මාධ්‍යෙව්දීන් පැමිණියද ඔවුන්ට බොරැල්ල කනත්ත සුසාන භූමි පරිශ්‍රයට ඇතුළු වීමට පොලිසිය ඉඩ ලබා දී නැත.
අධිකරණ නියෝග ප්‍රකාරව එය වාර්තා කිරීම සඳහා පිවිසිය හැකි සීමාවක් නම් කර ඇතත් එම ස්ථානයටවත් ළඟා වීමට ඉඩ ලබා නොදීම සම්බන්ධයෙන් මාධ්‍යෙව්දීහු පොලිසියට චෝදනා කරති.
පසුගිය දින 2ක් තුළ බීමත් රියැදුරන් 800 දෙනෙකුට එරෙහිව නඩු පැවරීමට පොලිසිය පියවර ගෙන ඇති…
නිවාසවල වහලය මත සවිකර ඇති සුර්ය පැනල අක්‍රීය කිරිමේ කටයුතු කෙටි පණිවුඩයක් ලැබුණහොත් පමණක් හෙට…
මගී ජනතාවගේ අවශ්‍යතාවය අනුව අද (16) දිනයේ ද බස් රථ ධාවනයට එක්කිරීමට කටයුතු කරන බව…
සිංහල දෙමළ අලුත් අවුරුදු චාරිත්‍රවලට අනුව හිසතෙල් ගෑමේ චාරිත්‍රය අද (16) දිනයට යෙදී තිබේ. ඒ…
ජනප්‍රිය පොප් ගායිකා කේටි පෙරී ඇතුලු කාන්තාවන් හය දෙනෙකු අභ්‍යාවකාශයේ සිදු කළ ඓතිහාසික සංචාරය නිම…
පළාත් පාලන මැතිවරණයට භාරදුන් නාමයෝජනා ප්‍රතික්ෂේප වීමට එරෙහිව නඩු පැවරූ අපේක්ෂකයන්ට නඩු වාර්තාවල පිටපත් දිස්ත්‍රික්…