මත්කුඩු බලයෙන් දේවකාරිය කළ පිල්ලෑව දේවාලයේ ප්‍රධාන කපුවා අද අධිකරණයට !

මත් කුඩු සමග අත්අඩංගුවට ගත් මහා අනුහස් සම්පන්න යැයි බැතිමතුන්ගේ ගෞරවාදරයට පාත්‍රවූ බොරලස්ගමු සුප්‍රකට පිල්ලෑව දේවාලයේ ප්‍රධාන කපුවෙක් අද (01) නුගේගොඩ මහේස්ත්‍රාත් අධිකරණයට ඉදිරිපත් කරන බව බොරලැස්ගමුව පොලිසිය පවසයි.
ඊයේ (31) සිදුකළ විශේෂ මෙහෙයුමක් අතරදී හෙරොයින් මිලි ග්‍රෑම් 150ක් සමග මෙසේ අත්අඩංගුවට පත්වන්නේ (37) වැනි වියේ පසුවන පිලියන්දල කොළමුන්න, ආටිගල මාවත ප්‍රදේශයේ පදිංචි පුද්ගලයෙකි.

බොරලැස්ගමුව පොලිස් වසමේ මත්ද්‍රව්‍ය හා සොරකම් කිරීමේ සිද්ධීන් පාලනය සඳහා යොදවා ඇති විශේෂ සෝදිසි මෙහෙයුම් පොලිස් කණ්ඩායමක් විසින් බොරලැස්ගමුව, වේරහැර, බෝධිරාජපුර වත්ත ප්‍රදේශයේ සිදු කළ හදිසි සෝදිසි මෙහෙයුමකදී හෙරොයින් මත්ද්‍රව්‍ය මිලදී ගෙන යතුරුපැදියකින් යමින් සිටි සැකකාර කපුවා අත්අඩංගුවට තිබිණි.

කපුවා අත්අඩංගුවට ගෙන ඇත්තේ හෙරොයින් මිලි ග්‍රෑම් 150ක් සන්තකයේ තබාගෙන සිටියදි ය.

වාර්තා වී ඇති මෙම කපුවා බැතිමතුන්ට යාතිකා කර ඇත්තේත් ඔවුන්ගේ පුජා විධි පවත්වා ඇත්තේත් පන්සල තුළදිම මත් කුඩු උරා හොඳ පදමට මත්වීමෙන් අනතුරුව බවය.

දේවකාරියේ යෙදී සිටින අතර ඔහු යතුරුපැදියෙන්ම ගොස් බැතිමතුන්ගෙන් ලැබෙන පඬුරුවලින් මේ ආකාරයෙන් මත්කුඩු මිලදී ගෙන පානය කර දේවකාරිය කරන බවත්, ඔහු දැඩි ලෙස මත්ද්‍රව්‍යවලට ඇබ්බැහි වූවෙක් බවත් මූලික විමර්ශනවලදී අනාවරණය වී තිබේ.