සංචාරක ඇෆ්ගනිස්තානය සමග පැවැති තෙවැනි එක්දින ක්‍රිකට් තරගයෙන් කඩුලු 9 ක ජයක් වාර්තා කරමින් දෙරට අතර පැවැති එක්දින තරගාවලිය තරග 2-1 ක් ලෙස ජය ගැනීමට ශ්‍රී ලංකා කණ්ඩායම අද (7) සමත් වුණා.
හම්බන්තොට පැවැති තරගය ජය ගැනීම සදහා ලකුණු 117 ක පහසු ඉලක්කයක් හඹා ගිය ශ්‍රී ලංකා කණ්ඩායම පන්දුවාර 16 ක් අවසානයේ එක් කඩුල්ලක් දැවී ජයග්‍රාහී ඉලක්කය පසු කළා.
ආරම්භක කඩුල්ල සදහා ලකුණු 84 ක සම්බන්ධතාවයක් ගොඩ නැගීමට පැතුම් නිස්සංක සමගින් දිමුත් කරුණාරත්න සමත් වුණා.
පැතුම් ලකුණු 51 ක් රැස් කළේ පන්දු 34 කින්. හයේ පහර 2ක් හා හතරේ 8 ක් ඔහුගේ ඉනිමට ඇතුළත්. දිමුත් නොදැවී ලකුණු 56 යි. පන්දු 45 කින් වාර්තා වූ දිමුත්ගේ ඉනිම හතරේ පහර 7 කින් වර්ණවත් වුණා. කුසල් මෙන්ඩිස් නොදැවී ලකුණු 11 ක් ලබා ගත්තා.
හම්බන්තොට පැවැති තරගයේ කාසියේ වාසිය දිනා පළමුව පන්දුවට පහරදුන් ඇෆ්ගනිස්තානය සියලු දෙනා දැවී ලකුණු 116 ක් ලබා ගත්තේ පන්දුවාර 22.2 ක් අවසානයේ දී යි. මොහමඩ් නබී ලකුණු 23 ක්, ඊබ්‍රහීම් සඩ්‍රාන් ලකුණු 22ක් හා ගුල්බදීන් නයිබ් ලකුණු 20 ක් රැස් කළා.
පන්දු යැවීමේ දී දුෂ්මන්ත චමීර ලකුණු 63 කට කඩුලු 4 ක් දවා ගත් අතර, වනිදු හසරංග ලකුණු 7කට කඩුලු 3 ක් බිද හෙලුවා. ලහිරු කුමාර කඩුලු 2 ක් දවා ගත්තේ ලකුණු 29 ක් ලබා දෙමින්.
තරඟයේ වීරයා බවට පත්වුයේ කඩුලු හතරක් දවාගත් දුෂ්මන්ත චමීර
එළඹෙන අගෝස්තු 2 වැනිදා විවෘත වීමට නියමිත City of Dreams හෝටලයේ කැසිනෝ ශාලාව විවෘත කිරීමේ…
කහතුඩුව ප්‍රදේශයේ සිට සුදු පැහැති වෑන් රථයකින් පැහැරගෙන ගිය බව කියන 15 හැවිරිදි පාසල් සිසුවෙකු,…
ඉකුත්දා කොළඹ ,හැව්ලොක් සිටි නිවාස සංකීර්ණයේ කාන්තාවක් සතුව තිබී රන් ආලේපිත ගිනිඅවියක් සොයා ගැනීමේ සිද්ධිය…
නව අධ්‍යාපන ප්‍රතිසංස්කරණය තුළ ඉතිහාසය සහ සෞන්දර්ය විෂයන් ඉවත් කර ඇති බවට අසත්‍ය ප්‍රචාර කරමින්…
අයථා ලෙස වත්කම් උපයා ගැනීමේ චෝදනාව සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල, ඔහුගේ බිරිඳ, දියණියන්…
රුපියල් කෝට් 5කට අධික වටිනාකමින් යුත් කුෂ් මත්ද්‍රව්‍ය තොගයක් සමග විදෙස් ජාතික කාන්තාවක් කටුනායක ජාත්‍යන්තර…