යාපනය ඩෙල්ෆ්ට් ජැටියේ පිවිසුම් දොරටුව අසලදී අනතුරට පත් වූ ට්‍රෝලර් යාත්‍රාවක සිටි පුද්ගලයන් 38 දෙනෙකු නිරුපද්‍රිතව බේරා ගැනීමට ශ්‍රී ලංකා නාවික හමුදාව සමත් වුණා.
එසේම, එහි තිබූ ගොඩනැගිලි ද්‍රව්‍ය තොගයක් මුහුදුබත් වීමට නොදී බේරා ගැනීමටද කටයුතු කළ බවයි නාවික හමුදාව නිවේදනය කළේ.
නාවික හමුදාව ක්ෂණිකව ක්‍රියාත්මක වී කළ මෙම මෙහෙයුම හේතුවෙන් සිදූවීමට තිබූ විශාල ජීවිත හා දේපල හානියක් මෙලෙස වළක්වා ගෙන තිබුණා.
යාපනය – පුණ්ගුඩුතිව් දූපතේ පිහිටි කුරිකඩ්ඩුවාන් ජැටියේ සිට ඩෙල්ෆ්ට් දූපත දක්වා පුද්ගලයන් 38 ක් සමඟ ඩෙල්ෆ්ට් දූපතේ වරාය පිවිසුම් දොරටුව අසලදී මුහුදේ පැවති බාදිය තත්වය හමුවේ මෙම ට්‍රෝලර් යාත්‍රාව මුහුදු පතුලේ ගැටී යාත්‍රාව සිදුරු වී තිබුණා.
අනතුරුව ඊට ජලය කාන්දු වී යාත්‍රාව අනතුරට පත්ව ඇති බවට උතුරු නාවික විධානයට අයත් ශ්‍රී ලංකා නාවික නෞකා වසභ ආයතනය වෙත තොරතුරක් ලැබී තිබූ අතර, ඒ අනුවයි නාවික හමුදාව එය ගළවා ගැනීම සඳහා මෙහෙයුමක් දියත් කළේ.
ඒ අනුව වෙරළබඩ මුර යාත්‍රා සහ කුඩා යාත්‍රා යොදා ගනිමින් අනතුරට පත් යාත්‍රාව සහ එහි සිටි පුද්ගලයින් නිරුපද්‍රිතව බේරා ගැනීමට නාවික හමුදාව කටයුතු කර තිබෙනවා.
‘කාලි අම්බාල් 2’ නැමැති මෙම යාත්‍රාව ඩෙල්ෆ්ට් දූපතේ වරාය පිවිසුම් දොරටුවෙහි අනතුරට පත්ව ගිලි ගියේ නම්, ඩෙල්ෆ්ට් දූපත වෙත කරන සියළුම ගමනාගමන කටයුතු ඇණහිටීමටත් එහි පරිපාලනයට විශාල බලපෑමක් සිදුවීමටත් ඉඩ තිබූ බවත් නාවික හමුදාව කියා සිටියා.
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…
මෑත කාලීනව පාසල් දැරිවියන් අතර ගැබ් ගැනීම් ඉහළ යාමක් පෙන්නුම් කර ඇති බව කාන්තා සහ…
යතුරුපැදි සොරකම් කරන කල්ලියක තිදෙනෙකු අත්අඩංගුවට ගැනීමට ගිරිඋල්ල පොලිස් ස්ථානයේ නිලධාරින් කණ්ඩායමක් සමත්ව ඇති බව…
බම්බලපිටිය රාත්‍රී සමාජ ශාලාවකින් පොලිස් භාරයට ගත් මත්පැන් බෝතල් තොගයක මත්පැන් වෙනුවට ආදේශක ද්‍රව්‍යයක් තිබීම…
බාලවයස්කාර පාසල් සිසුවියක් පැහැරගෙන ගොස් හපුතලේ ප්‍රදේශයේ නිවසක රඳවා තබා ගත් තරුණයෙකු ලිඳුල පොලිසිය විසින්…