කටුගස්තොට ශාන්ත අන්තෝනි විදුහලේ අපොස සාමාන්‍ය පෙළ විභාගයට පෙනී සිටි සිසුවෙකුට එම විභාගයටම පෙනී සිටි තවත් සිසුන් පිරිසක් විසින් අමානුෂික ලෙස පහර දීමේ සිද්ධිය සම්බන්ධයෙන් සිසුන් 06 දෙනෙක් අත්අඩංගුවට ගෙන තිබෙනවා.
කටුගස්තොට පොලීසිය කියා සිටියේ මෙම සිසුවාට පසුගිය 06 වනදා ගණිතය විෂයේ පළමු ප්‍රශ්ණ පත්‍රයට මුහණ දීමෙන් අනතුරුව ලැබුණු විවේක කාලයේ දී විදුහලේ ආපන ශාලාවට පැමිණි අවස්ථාවේදී තවත් සිසුන් පිරිසක් ක්‍රිකට් පිති සහ විකට් පොලු යොදා ගනිමින් අමානුෂික ලෙස පහර දී තිබූ බවයි.
පහරදීමෙන් තුවාල ලැබූ මෙම සිසුවා මහනුවර ජාතික රෝහලට ඇතුළත් කරනු ලැබුවා.
ඔහු අද (08) මහනුවර ජාතික රෝහල ආසන්නයේ පාසලක සිට සාමාන්‍ය පෙළ විභාගයේ අවසන් විෂය සඳහා මුහුණ දී තිබුණා.
පහර දීමට සම්බන්ධ වූ සැකකාර සිසුන් සාමාන්‍ය පෙළ විභාගය අවසන් වන තෙක් පොලීසිය විසින් අත්අඩංගුවට ගැනීම සිදු නොකිරීමට තීරණය කර තිබු අතර විභාගය අද (08) අවසන් වීමෙන් අනතුරුව මෙම සිසුන් 06 දෙනා අත්අඩංගුවට ගෙන තිබෙනවා.
අත්අඩංගුවට පත් වූ සිසුන් හෙට (09) මහනුවර මහේස්ත්‍රාත් අධිකරණයට ඉදිරිපත් කිරීමට නියමිතයි.
පසුගිය දින 2ක් තුළ බීමත් රියැදුරන් 800 දෙනෙකුට එරෙහිව නඩු පැවරීමට පොලිසිය පියවර ගෙන ඇති…
නිවාසවල වහලය මත සවිකර ඇති සුර්ය පැනල අක්‍රීය කිරිමේ කටයුතු කෙටි පණිවුඩයක් ලැබුණහොත් පමණක් හෙට…
මගී ජනතාවගේ අවශ්‍යතාවය අනුව අද (16) දිනයේ ද බස් රථ ධාවනයට එක්කිරීමට කටයුතු කරන බව…
සිංහල දෙමළ අලුත් අවුරුදු චාරිත්‍රවලට අනුව හිසතෙල් ගෑමේ චාරිත්‍රය අද (16) දිනයට යෙදී තිබේ. ඒ…
ජනප්‍රිය පොප් ගායිකා කේටි පෙරී ඇතුලු කාන්තාවන් හය දෙනෙකු අභ්‍යාවකාශයේ සිදු කළ ඓතිහාසික සංචාරය නිම…
පළාත් පාලන මැතිවරණයට භාරදුන් නාමයෝජනා ප්‍රතික්ෂේප වීමට එරෙහිව නඩු පැවරූ අපේක්ෂකයන්ට නඩු වාර්තාවල පිටපත් දිස්ත්‍රික්…