මෙම වසරේදී කොළඹ සහ තදාසන්න ප්‍රදේශවලට ගංවතුර ගැලීමෙන් සිදුවන බලපෑම අවම කර ඒ සඳහා තිරසාර දිගුකාලීන විසඳුමක් ක්‍රියාත්ම කිරීම සඳහා නාගරික සංවර්ධන හා නිවාස අමාත්‍ය ප්‍රසන්න රණතුංග මහතා විසින් අමාත්‍ය මණ්ඩල පත්‍රිකාවක් කැබිනට් මණ්ඩලයට ඉදිරිපත් කර තිබේ.
ශ්‍රී ලංකා ඉඩම් ගොඩකිරීමේ සංස්ථාව විසින් මෙම ව්‍යාපෘතිය ක්‍රියාත්මක කිරීමට නියමිතය.
කොළඹ නාගරික කලාපය තුළ මෙන්ම කොළඹින් පිටත ප්‍රදේශවල ගංවතුර ගැලීම අවම කිරීමේ ව්‍යාපෘතිද ශ්‍රී ලංකා ඉඩම් ගොඩකිරීමේ සංස්ථාව විසින් හඳුනාගෙන ඇති බවද අදාළ කැබිනට් පත්‍රිකාවේ සඳහන්වේ.
ඒ අනුව මෙම වසරේදී ව්‍යාපෘතිය ක්‍රියාත්මක කිරීම සඳහා රුපියල් මිලියන 2,100 ක මුදල් ප්‍රතිපාදන වෙන්කර තිබේ. මෙම ව්‍යාපෘතිය අදියර කිහිපයක් යටතේ ක්‍රියාත්මක කිරීමට නියමිතය.
එම මුළු ප්‍රතිපාදනයෙන් රුපියල් මිලියන 20ට වැඩි ව්‍යාපෘති සඳහා රුපියල් මිලියන 1991ක මුදලක් වෙන්කර ඇති අතර රුපියල් මිලියන 20ට අඩු ව්‍යාපෘති ක්‍රියාත්මක කිරීම සඳහා රුපියල් මිලියන 109.00ක මුදලක් වෙන්කර ඇත.
කැලණි ගඟ පිටාර ගැලීම හේතුවෙන් කොලොන්නාව හා ඒ ආශ්‍රිත ප්‍රදේශ නිරන්තරයෙන්ම ජලයෙන් යටවීම සිදුවේ.මේ හේතුවෙන් එම ප්‍රදේශවල ජීවත්වන ජනතාව දැඩි පීඩාවට පත්වේ.
ගංවතුර අවම කිරීම සඳහා යටිතල පහසුකම් සංවර්ධනය කිරීම අත්‍යාවශ්‍ය සංවර්ධ අංගයකි. පසුගිය දශකවල මෙම ප්‍රදේශ ප්‍රමාණවත් නොවන හා නුසුදුසු ජලාපවහන පද්ධති හේතුවෙන් නිරන්තරයෙන් ගංවතුර තර්ජනයට ලක්විය.
අමාත්‍ය ප්‍රසන්න රණතුංග මහතා පවසන්නේ එම පීඩාකාරී තත්ත්වයෙන් ජනතාව මුදවාගෙන කොලොන්නාව වැසි ජල අපවහනය හා අවට පරිසරය වැඩිදියුණු කිරීමේ ප්‍රමුඛ අවශ්‍යතාවයක් ලෙස සලකා මෙම ව්‍යාපෘතිය ක්‍රියාත්මක කරන බවයි.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…