නව මැතිවරණ පනතක් !

නව මැතිවරණ (විශේෂ විධිවිධාන) පනත සකස් කිරීමට අවශ්‍ය කෙටුම්පත සැකසීම සඳහා අමාත්‍ය මණ්ඩලයේ අනුමැතිය හිමිව තිබෙනවා.

එහිදී 1981 අංක 1 දරන පාර්ලිමේන්තු මැතිවරණ පනත, පළාත් පාලන ඡන්ද විමසීම් අඥාපනත, ජනාධිපතිවරයා තෝරාපත් කර ගැනීමේ (විශේෂ විධිවිධාන) පනත, පාර්ලිමේන්තු මැතිවරණ පනත සහ පළාත් සභා මැතිවරණ පනත යන පනත් 05 ක සංශෝධනයක් ඇතුළත්ව මෙම මැතිවරණ (විශේෂ විධිවිධාන) පනත් කෙටුම්පත සකස් කෙරෙනු ඇති.

මැතිවරණයක් සඳහා තරග වදින දේශපාලන පක්ෂ/ස්වාධීන කණ්ඩායම් හා අපේක්ෂකයින් විසින් චර්යාධර්ම පද්ධති (Code of Conduct) උල්ලංඝනය කළ විට අදාළ ක්‍රියාමාර්ග ගැනීම සඳහාත්, මැතිවරණ දින නියමිත ඡන්ද මධ්‍යස්ථානයේ දී ඡන්දය භාවිතා කළ නොහැකි වන විශේෂයෙන් හඳුනාගත් ඡන්දදායකයින් සඳහා විශේෂ ඡන්ද මධ්‍යස්ථාන ඇති කිරීම සඳහාත් 1981 අංක 1 දරණ පාර්ලිමේන්තු මැතිවරණ පනත සංශෝධනය කිරීමට 2022 වසරේ දෙසැම්බර් 12 වනදා කැබිනට් අනුමැතිය ලබාදී තිබුණා.

එසේම, මැතිවරණයක් ප්‍රකාශයට පත්කර ඇති විට මාධ්‍ය උපමාන (Media Guidelines) උල්ලංඝනය කරන අවස්ථාවන්වලදී නෛතික ක්‍රියාමාර්ග ගැනීමට හැකි වන පරිදි පළාත් පාලන ඡන්ද විමසීම් අඥාපනත, ජනාධිපතිවරයා තෝරාපත් කර ගැනීමේ ( විශේෂ විධිවිධාන) පනත, පාර්ලිමේන්තු මැතිවරණ පනත සහ පළාත් සභා මැතිවරණ පනත සංශෝධනය කිරීම සඳහාද 2022 වසරේ දෙසැම්බර් 12 වනදා කැබිනට් අනුමැතිය හිමිව තිබෙනවා.

ඒ අනුව, ඊට අදාළ කටයුතු නීති කෙටුම්පත් සම්පාදක විසින් ආරම්භ කර තිබුණත්, ඉහත සඳහන් පනත් වෙන් වෙන් වශයෙන් සංශෝධනය කිරීම වෙනුවට මැතිවරණ (විශේෂ විධිවිධාන) පනත නමින් නව පනතක් හඳුන්වා දීම යෝග්‍ය බවටයි යෝජනා වී ඇත්තේ.

ඒ අනුව, අදාළ සංශෝධනයන් ඇතුළත් කරමින් මෙම නව පනත හඳුන්වා දීම සඳහා පනත් කොටුම්පතක් සකස් කරන ලෙස නීති කෙටුම්පත් සම්පාදකට උපදෙස් ලබාදීම සඳහා ජනාධිපතිවරයා විසින් ඉදිරිපත් කළ යෝජනාවට ඊයේ අමාත්‍ය මණ්ඩලය අනුමැතිය හිමිව තිබෙනවා.

Copy LinkCopy LinkWhatsAppWhatsAppTelegramTelegramMessengerMessengerFacebookFacebookTwitterTwitterLinkedInLinkedInEmailEmailPrintPrintShareShare
AddThis Website Tools
Ceylon News Factory

Recent Posts

පාසල් සිසුවියක​ට ලිංගික හිංසන සි​දු කල සැකකාර ගුරුවරයා අනිවාර්ය නිවාඩු යවයි : ටියුශන් ආයතන හිමිකරුගෙන් අපරාධ පරීක්ෂණ දෙපාර්තමේන්තුව​ට පැමිණිල්ලක්!

කොටහේන ගල්පොත්ත වීදිය මහල් නිවාස සංකීර්ණයක පදිංචිව සිටි 16 හැවිරිදි සිසුවියක සියදිවි නසාගැනීම සිද්ධියට චෝදනා…

3 hours ago

ඩෑන් ප්‍රියසාද් ඝාතන සිද්ධියේ සැකකරුවන් හඳුනාගනියි!

ඩෑන් ප්‍රියසාද් ඝාතන සිද්ධිය සම්බන්ධයෙන් අත්අඩංගුවට ගෙන රක්ෂිත බන්ධනාගාර ගත කර සිටි සැකකරුවන් දෙදෙනෙකු අද…

9 hours ago

කොටහේන දැරියක අපයෝජනය වී​මේ සිදුවීම ​ගැන සජිත් ප්‍රේමදාස ප්‍රශ්න කරයි – හරිනිගෙන් පිලිතුරු!

ළමා අපයෝජන සිදුවීම් වළක්වා ගැනීමටත්, එවැනි සිදුවීමක් වාර්තා වුවහොත් ඒ සම්බන්ධයෙන් ඉක්මන් පියවර ගැනීමට කටයුතු…

10 hours ago

ඉන්දියා පාකිස්තාන දේශසීමා ආසන්නයේ යුද උණුසුම වැඩිවෙයි – ඉන්දීය ප්‍රිමියර් ලීග් ක්‍රිකට් තරගාවලිය අත්හිටුවයි!

ඉන්දීය ප්‍රිමියර් ලීග් ක්‍රිකට් තරගාවලිය(IPL) අත්හිටුවීමට එහි තරග සංවිධායකයින් තීරණය කර ඇති බව ඉන්දීය මාධ්‍ය…

11 hours ago

පෞද්ගලික මන්ත්‍රී යෝජනා 6ක් පාර්ලිමේන්තුවේදී අද විවාදයට!

පෞද්ගලික මන්ත්‍රී යෝජනා 6ක් පාර්ලිමේන්තුවේදී අද විවාදයට ගැනිමට නියමිතව ඇත. ඒ අනුව, ශ්‍රී ලංකා පාර්ලිමේන්තුවේ…

11 hours ago

ජලාශයට කඩා වැටුණු හෙලිකොප්ටරයේ සිටි හමුදා සාමාජිකයින් 6 දෙනෙකු මරුට!

මාදුරු ඔය ජලාශයට කඩා වැටුණු බෙල් 212 වර්ගයේ හෙලිකොප්ටරයේ සිටි හමුදා සාමාජිකයින් 6 දෙනෙකු මිය…

12 hours ago