ශ්‍රී ලංකා වරාය අධිකාරියේ මානව සම්පත් සංවර්ධන අධ්‍යක්ෂවරයා මෙන්ම ජන සතු සේවා ක්‍රිකට් සමාජයේ සභාපති ලෙසත්, ශ්‍රී ලංකා ක්‍රිකට් විධායක කමිටුවේ සාමාජිකයෙක් ලෙසත් කටයුතු කරන නලීන් අපොන්සෝ ගේ නිවසට පැන මුදලින් රුපියල් පනස් හත් ලක්ෂ පනස් හත් දාහක්, ඇමරිකානු ඩොලර් දස දහස් හාරසියයක් සහ රන් භාණ්ඩ කොල්ල කෑ අපරාධකරුවන්ගේ ඡායාරූප සහ වීඩියෝ පට පොලිසිය මාධ්‍යය වෙත නිකුත් කර තිබේ.
නලීන් අපොන්සෝ ගේ බොරලැස්ගමුව කටුවාවල මාවත, පළමු පටුමගේ පිහිටි නිවසට කඩා වැදී පසුගිය 12 වැනිදා සිදුකළ බව කියන මෙම අපරාධය සම්බන්ධව බොරලැස්ගමුව පොලිසියට සිදුකළ පැමිණිල්ලක් මත උක්ත විමර්ශන ආරම්භ කර තිබිණි.
කොල්ල කෑ සම්පූර්ණ වත්කම්වල වටිනාකම එක් කෝටි හත් ලක්ෂ හත් දහස් අටසීයක් බවද පොලිිසිය කියයි.
පෙරේදා (12) දහවල් මෙම කොල්ලය සිදුකර ඇති අතර ඒ අවස්ථාවේ දි නිවසේ සිට ඇත්තේ සේවිකාවක් පමණක් බවත් සේවිකාව බිය ගන්වා මෙම මුදල් හා රන් භාණ්ඩ තැන්පත් කර තිබුණු කුඩා සේප්පුව රැගෙන ගොස් ඇති බවත් විමර්ශන අංශ කියයි.
අපරාධකරුවන් සම්බන්ධව තොරතුරක් වේ නම් බොරලැස්ගමුව පොලිස් ස්ථානාධිපති 071-8591646 හෝ බොරලැස්ගමුව පොලිස් ස්ථානය 0112150769 වෙත දැනුම් දෙන ලෙස පොලිසිය ඉල්ලා සිටී.
පළාත් පාලන ආයතන ඡන්ද විමසීමට අදාළ නිල ඡන්ද දැන්වීම් පත්‍රිකා අද (16) දිනයේ තැපෑල වෙත…
පේරු රාජ්‍යයේ හිටපු ජනාධිපති ඔලන්ටා උමාලා සහ ඔහුගේ බිරිඳ වන නදීන් හෙරෙවියාට වසර 15ක සිර…
පසුගිය දින 2ක් තුළ බීමත් රියැදුරන් 800 දෙනෙකුට එරෙහිව නඩු පැවරීමට පොලිසිය පියවර ගෙන ඇති…
නිවාසවල වහලය මත සවිකර ඇති සුර්ය පැනල අක්‍රීය කිරිමේ කටයුතු කෙටි පණිවුඩයක් ලැබුණහොත් පමණක් හෙට…
මගී ජනතාවගේ අවශ්‍යතාවය අනුව අද (16) දිනයේ ද බස් රථ ධාවනයට එක්කිරීමට කටයුතු කරන බව…
සිංහල දෙමළ අලුත් අවුරුදු චාරිත්‍රවලට අනුව හිසතෙල් ගෑමේ චාරිත්‍රය අද (16) දිනයට යෙදී තිබේ. ඒ…