අධිකරණයට අපහාස කිරිම සම්බන්ධයෙන් රාජ්‍ය අමාත්‍ය ඩයනා ගමගේ මහත්මියට එරෙහිව පියවර ගන්නා ලෙසට කොළඹ මහේස්ත්‍රාත් අධිකරණය නියෝග කර තිබෙනවා.
අභියාචනාධිකරණයේ සභාපති විනිසුරුවරයා වෙත අදාළ ඉල්ලීම යොමු කර ඇති බවයි අධිකරණ වාර්තාකරු සඳහන් කළේ.
අපරාධ පරීක්ෂණ දෙපාර්තමේන්තුව සහ සමාජ ක්‍රියාකාරිකයෙකු වන ඕෂල හේරත් මහතාගේ නීතිඥවරුන් ඉදිරිපත් කළ කරුණු සලකා බැලීමෙන් අනතුරුව මෙම නියෝගය නිකුත් කර ඇති බව සඳහන්.
රාජ්‍ය අමාත්‍යවරියගේ ද්වීත්ව පුරවැසිභාවය සම්බන්ධයෙන් තීන්දුවක් පසුගිය අප්‍රේල් මස 24 වනදා ප්‍රකාශයට පත් කෙරුණා. ඒ, කොළඹ ප්‍රධාන මහේස්ත්‍රාත් ප්‍රසන්න අල්විස් මහතා විසින්.
කෙසේ වෙතත් පසුගිය මැයි 29 වනදා රූපවාහිනී වැඩසටහනකට එක්වෙමින් අමාත්‍යවරිය කියා සිටියේ, මෙම තීන්දුව ප්‍රකාශයට පත් වීමට පෙර එය වෙනත් පාර්ශවයක් ලබා ගෙන තිබෙන බවයි.
කෙසේ වෙතත් මේ සම්බන්ධයෙන් සමාජ මාධ්‍ය ආවේෂණ පරීක්ෂණයක් සිදු කළ බවත් අප්‍රේල් මස 24 වනදාට පෙර එම තීන්දුව කිසිදු සමාජ මාධ්‍ය ජාලයක් ඔස්සේ පළ වී නොතිබුණ බවත් අපරාධ පරීක්ෂණ දෙපාර්තමේන්තුවේ පරිගණක අපරාධ විමර්ශන අංශයේ ස්ථානාධිපතිවරයා අධිකරණයට දන්වා සිටියා.
මේ සම්බන්ධයෙන් ඕෂල හේරත් මහතාගෙන් ප්‍රකාශයක් සටහන් කරගත් බවයි, එම දෙපාර්තමේන්තුව සඳහන් කළේ.
කෙසේ වෙතත් ඔහු නඩු තීන්දුව ප්‍රකාශයට පත් කර දින හතරකට පසුව ඔහු එහි පිටපත ලබාගෙන ඇති බව ද අනාවරණ වුණා.
මීට අදාළව ඩයනා ගමගේ රාජ්‍ය අමාත්‍යවරියගෙන් ප්‍රකාශයක් සටහන් කර ගැනීමට අවශ්‍යව තිබෙන හෙයින් එම ප්‍රකාශය සටහන් කරගෙන වාර්තාවක් ඉදිරිපත් කිරීම සඳහා දිනයක් ලබාදෙන ලෙසයි අපරාධ පරීක්ෂණ දෙපාර්තමේන්තුව අධිකරණයෙන් ඉල්ලා සිටියේ.
ඕෂල හේරත් මහතා වෙනුවෙන් පෙනී සිටි නීතිඥවරයා අධිකරණය හමුවේ කරුණු දක්වමින් කියා සිටියේ, මෙම ප්‍රකාශය තුළින් ඩයනා ගමගේ මහත්මිය අධිකරණයට අපහාසයක් සිදු කර ඇති බවයි.
ඒ හේතුවෙන් ඇයට විරුද්ධව පියවර ගන්නා ලෙසට පැමිණිල්ලක් අභියාචනාධිකරණය වෙත යොමු කරන ලෙසත් නීතිඥවරයා ඉල්ලීමක් සිදු කළා.
මෙම කරුණු සලකා බැලීමෙන් අනතුරුවයි, කොළඹ ප්‍රධාන මහේස්ත්‍රාත් ප්‍රසන්න අල්විස් මහතා මහතා සිය තීන්දුව ප්‍රකාශයට පත් කළේ.
සීදූව, රාජපක්ෂපුර ප්‍රදේශයේ වෙඩි තැබීමක් වාර්තා වේ. එම වෙඩි තැබීමෙන් පුද්ගලයෙකු තුවාල ලබා රෝහල් ගත…
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…