චීනයේ වයඹදිග නින්ග්සිආ කලාපයේ යින්චුවාන් ප්‍රදේශයේ බාබකිව් අවන්හලක ඊයේ (21) රාත්‍රියේ සිදුවූ ගෑස් පිපිරීමකින් අවම වශයෙන් පුද්ගලයින් 31 දෙනෙකු මිය ගොස් හත් දෙනෙකු තුවාල ලබා ඇති බව චීනයේ රාජ්‍ය මාධ්‍ය පවසයි.
අවන්හල තුළ ඇති ද්‍රව ගෑස් ටැංකියක කාන්දුවක් හේතුවෙන් මෙම පිපිරීම සිදුව ඇති අතර එය ඊයේ රාත්‍රී 8.40ට පමණ සිදුව ඇති බව චීන රාජ්‍ය විකාශන ආයතනය කියයි.
විදෙස් මාධ්‍යයවලට අනුව තුවාල ලැබූ හත් දෙනාගෙන් එක් අයකු තවමත් අසාධ්‍ය තත්ත්වයේ පසුවේ.
අනෙක් හයදෙනා සුළු තුවාල, පිළිස්සුම් සහ වීදුරු කැපුම්වලට ලක්ව රෝහලේ ප්‍රතිකාර ලබති. ප්‍රාදේශීය ගිනි නිවන බලධාරීන් වාහන 20 ක් සහ ගිනි නිවන භටයින් 100 කට වැඩි පිරිසක් එම ස්ථානයට යවා ඇති අතර, සෙවීම් සහ ගලවා ගැනීමේ මෙහෙයුම් අද අලුයම 4 දක්වා පැවති බව රාජ්‍ය මාධ්‍ය පවසයි.
චීන නායක ෂී ජින් පිං මෙම පිපිරීම “හදවත කම්පා කරවනසුලු” ලෙස හැඳින්වූ අතර එය “ගැඹුරු පාඩමක්” බව පැවසීය.
තුවාලකරුවන්ට ප්‍රතිකාර කිරීම, ආරක්ෂක අධීක්ෂණය ශක්තිමත් කිරීම සහ නිවැසියන්ගේ ආරක්ෂාව සහතික කිරීම සඳහා “සියලු උත්සාහයන්” අවධාරණය කරමින් චීනි ජනාධිපතිවරයා එම ස්ථානයේ සිටින බලධාරීන්ට උපදෙස් නිකුත් කර ඇතැයි චීන රාජ්‍ය මාධ්‍ය කියයි.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…