ටයිටන් සබ්මැරීනයේ සිටි සියලු දෙනා ජීවිතක්ෂයට – මළ සිරුරු පිළිබඳව ගැටළුවක් (VIDEO)

අතුරුදන් වූ ‘ටයිටන්’ සබ්මැරීනය පිපිරීමකට ලක් තිබෙනවා.

අමෙරිකානු වෙරළාරක්ෂක බලකායේ නිලධාරියෙකුගේ ප්‍රකාශක් උපුටා දක්වමින් රොයිටර් පුවත් සේවය මේ බව වාර්තා කළා.

ඔවුන් මේ බව හෙළි කළේ දින පහක් තිස්සේ සිදු කළ සෝදිසි මෙහෙයුමේදී ටයිටැනික් නෞකාවේ සිට අඩි 1,600 ක් පමණ දුරින් සාගර පත්ලේ දී ටයිටන් සබ්මර්සිබල් යානයේ වලිගය වැනි කොටස සහ අනෙකුත් සුන්බුන් කොටස් පහක් සොයා ගැනීමෙන් පසුවයි.

අමෙරිකානු වෙරළාරක්ෂක බලකායේ රියර් අද්මිරාල් ජෝන් මෝගර් මේ පිළිබඳව ප්‍රකාශයක් සිදු කරමින් තහවුරු කොට සිටියා.

එමෙන්ම අදාළ පිපිරීමෙන් එහි ගමන් ගත් පුද්ගලයන් පස්දෙනාම ජීවිතක්ෂයට පත්ව ඇති බව එහි සඳහන්.

ජිවිතක්ෂට පත්වූවා යැයි විශ්වාස කෙරෙන පුද්ගලයින්ගේ මළ සිරුරු සොයාගැනීමට සහ ගොඩබිමට ගෙන ඒමට නොහැකි වී තිබෙන අතර, ඊට හේතුව වශයෙන් සඳහන් කර සිටින්නේ, අදාළ අනතුර සිදුවුවා යැයි සැලකෙන ප්‍රදේශයට ප්‍රවේශ වීමේ ඇති අපහසුතාව නිසාය.

ඒ අනුව සබ්මැරීනය සොයා ගැනීම සඳහා සිදු කළ මෙහෙයුම අත්හිටුවීමටයි පියවර ගෙන ඇත්තේ.