ළමා අපචාර චූදිතයෙක් පොලිස් සිර මැදිරිය තුළ සිය දිවි නසා ගනී !

ළමා අපයෝජන සිද්ධියකට අදාලව අත්අඩංගුවට ගෙන සිටි පුද්ගලයෙකු අද (24) අලුයම පොලිස් කූඩුව තුළදී ගෙළවැලලාගෙන මියගොස් ඇතැයි හම්බන්තොට වරාය පොලීසිය පවසයි.

මෙලෙස සිය දිවි නසාගෙන ඇත්තේ අම්බලන්තොට වාදුරුප්පුව, අක්කරකාල්ගොඩ පදිංචි 48 හැවිරිදි වසන්ත පුෂ්පික නැමති අයෙකි.

සැකකරු වයස අවුරුදු 13ක දැරියක ලිංගික අතවර කිරීමේ චෝදනා මත හම්බන්තොට වරාය පොලීසිය විසින් ඊයේ (23) සවස අත් අඩංගුවට ගෙන ප්‍රකාශ සටහන් කර ගැනීමෙන් පසු අධිකරණයට ඉදිරිපත් කරනතෙක් පොලිස් කූඩුවේ රදවා තබා තිබේ.

එම අවස්ථාවේදි සැකකරු පොලිස් කූඩුව තුලදී ගෙළවැලලාගෙන සිය දිවි නසාගෙන තිබේ.

සිද්දිය සම්බන්ධයෙන් තංගල්ල කොට්ඨාස භාර පොලිස් අධිකාරී කේ.බී.කීර්තිරත්නගේ උපදෙස් පරිදි හම්බන්තොට වරාය පොලීසිය වැඩිදුර විමර්ශන පවත්වයි.