ඇමති ජීවන් තොන්ඩමන් පොලිසියේ යකා නටයි – පාක්ෂිකයෙක් අත්අඩංගුවට ගත්තැයි OICට තර්ජන !

තම පාක්ෂිකයකු අත්අඩංගුවට ගෙන අධිකරණය ඉදිරිපත් කළැයි කියන සිද්ධියකට උරණ වූ ජල සම්පාදන අමාත්‍ය ජීවන් තොණ්ඩමන් තවත් ආධාරකරුවන් පිරසික් රැගෙන බගවන්තලාව පොලිසියට ගොස් පොලිස් ස්ථානාධිපතිට සහ අත්අඩංගුවට ගත් පොලිස් නිලධාරීවට බැණ තර්ජනය කර ඇත.

සැකකරු බගවන්තලාව නගරයේ පිහිටි රාජ්‍ය බැංකුව වෙත පැමිණ ඔහුගේ මිතුරෙකුගේ ගිණුමක ශේෂය පිලිබදව මුදල් කවුළුවෙන් විමසා ඇති අතර , එහිදි බැංකුවේ නිලධාරින් පවසා ඇත්තේ වෙනත් ගණුදෙණුකරුවෙකුගේ බැංකු ගිණුම් තොරතුරු පිලිබදව වෙනත් පාර්ශවයකට ලබාදිය නොහැකි බවයි.

ඒ සම්බන්ධයෙන් බැංකුවක කලමණාකාරවරයා සහ ඔහු අතර බහින් බස් විමක් සිදුව ඇති අතර කලමණාකාරවරයා බගවන්තලාව පොලිසිය වෙත කරන ලද පැමිණිල්ලක් මත සැකකරු බගවන්තලාව නගර මධ්‍යයේදි අත්අඩංගුවවට ගෙන හැටන් අධිකරණයට ඉදිරිපත් කිරීමෙන් පසු රිමාන්ඩ් බාරයට පත් කර ඇත.

සැකකරු අත්අඩංගුවට ගැනිම සම්බන්ධයෙන් උරණ වු අමාත්‍ය ජිවන් තොණ්ඩමන් මහතා බගවන්තලාව නගරය ගොස් බගවන්තලාව පොලිසියේ ස්ථානාධිපති ප්‍රධාන පොලිස් පරික්ෂක සම්පත් බණ්ඩාර මහතා සහ සැකකරුවන් අත්අඩංගුවට ගත් පොලිස් නිලධාරින් තිදෙනා එම ස්ථානයට කැදවා බැන වැද තර්ජනය කර ඇත.