ප්‍රවෘත්ති විකාශනයේ දී තමන්ගේ ප්‍රවෘත්තිවල ප්‍රමාණය අඩු බවට චෝදනා කර ජනමාධ්‍ය ඇමති බන්දුල ගුණවර්ධන විසින් රූපවාහිනියේ ප්‍රවෘත්ති අධ්‍යක්ෂ තිලක් මහගමගේ වහාම ක්‍රියාත්මක වන පරිදි ඉවත් කරන ලෙස රූපවාහිනී සභාපතිවරයාට දන්වා ඇතැයි වාර්තා වේ.
රූපවාහිනියේ වෘත්තිය සමිති ප්‍රකාශකයෙක් පැවසුවේ මේ වනවිට ආණ්ඩුව තුළ නිර්මාණය වී ඇති දෙදරීම හේතුවෙන් රූපවාහිනියේ බලය පොහොට්ටු දේශපාලනය විසින් තහවුරු කරගැනීම සඳහා මේ වනවිට දියත් වී ඇති මෙහෙයුමේ එක් ප්‍රධාන අවස්ථාවක් ලෙස මෙය සැලකිය හැකි බවය.
පෙරේදා රූපවාහිනි සභාපති ඩබ්ලිව් බී ගනේගල විසින් රූපවාහිනි ප්‍රවෘත්ති අධ්‍යක්ෂ තිලක් මහගමගේ ගෙන්වා ඇමතිවරයා ඔහුව ප්‍රවෘත්ති අධ්‍යක්ෂ ධූරයෙන් ඉවත් කරන ලෙස දන්වා ඇතැයි වාර්තා වේ.
ඊට හේතුව ලෙස දක්වා ඇත්තේ ඇමතිවරයා බොහෝ තැන්වල කරන සංචාර රූපවාහිනිය මගින් නිසි පරිදි ආවරණය කර ප්‍රවෘත්ති විකාශනයන්හි විකාශය නොවීමය.
එහෙත් ඇමතිවරයාගේ ප්‍රවෘත්ති ප්‍රමාණාත්මකව රූපාවහිනිය ඔස්සේ විකාශනය කරන බවත්, කිසිම ඇමතිවරයෙක් ලබා නොගත් ගුවන් කාලයක් තවමත් මේ ඇමතිවරයා විසින් බලපෑම් කර ලබා ගන්නා බවත් පවසන වෘත්තිය සමිති පවසන්නේ තිලක් මහගමගේ ඉවත් කිරීමෙන් පසු ඇමතිවරයා ප්‍රවෘත්ති අධ්‍යක්ෂ ධූරයට පත්කරන ලෙස දන්වා ඇත්තේ පොහොට්ටුවේ දේශපාලන ගැත්තෙක් විම නිසා ප්‍රවෘත්ති අංශයේ බරපතල අප්‍රසාදයට පත් වී එතැනින් ඉවත් කරන ලද නියෝජ්‍ය අධ්‍යක්ෂවරයෙකි.
දශක තුනකට ආසන්න කාලයක් රූපාවාහීනීයේ පළපුරුද්දක් සහිත කෘතහස්ථ මාධ්‍යවේදියෙක් වූ තිලක් මහගමගේ රූපවාහිනී ප්‍රවෘත්ති අධ්‍යක්ෂ ධූරයට පත් වන්නේ පෙබරවාරියේ පවත්වන ලද සම්මුඛ පරීක්ෂණ්‍යකට මුහුණ දීමෙන් අනතුරුව බවත් එම සම්මුඛ පරීක්ෂණයට පෙනී සිටි රූපවාහිනියේ ඇමතිගේ ගෝලයා ඉන් අසමත් වුන බවත් අභ්‍යන්තර ආරංචි මාර්ග කියයි.
උපුටා ගැනීම – ලංකාසර
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…