පසුගිය අඟහරුවාදා ප්‍රංශ පොලිස් වෙඩි පහරින් මරණයට පත්වු නාහිල් එම් නම් 17 හැවිරිදි තරුණයාගේ දේහය ඔහු ජීවත් වූ Nanterreහි භූමදානය කර තිබෙනවා. මෙම අවස්ථාවට ඉතා විශාල පිරිසක් එක්වූ බවයි විදෙස් වාර්තා ප්‍රකාශ කළේ.
මෙම තරුණයාගේ මරණය හේතු කරගෙන ප්‍රංශය පුරා ඇතිවූ විරෝධතා පස්වන දිනටත් ක්‍රියාත්මක අතර, ප්‍රංශයේ දෙවන විශාලතම නගරය වන Marseille කේන්ද්‍ර කරගෙන එම විරෝධතා මේ වනවිට පැතිරී යනවා.
මෙම විරෝධතාවලට සම්බන්ධ වන්නන්ගෙන් 30%ක් වයස අවුරුදු 18ට අඩු යෞවන යෞවනියන් බවයි පැවසෙන්නේ. එම නිසා තම දරුවන් නිවසේම තබා ගන්නා ලෙස ප්‍රංශ ජනාධිපති එමානුවෙල් මැක්‍රෝන් ඊයේ එරට දෙම්ව්පියන්ගෙන් ඉල්ලීමක් ද කළා.
විරෝධතා හේතුවෙන් ඊයෙ දිනයේදි 1300ක පමණ පුද්ගලයින් පිරිසක් අත්අඩංගුවට ගෙන තිබෙන අතර විරෝධතා පාලනය කිරීමට, පොලිසිය කඳුළු ගෑස් භාවිත කරනු දක්නට ලැබුණා.
පොදු ප්‍රවාහන සේවාවන් නවතා දැමුවත්, ජනතාව කෙසේ හෝ එක්වී, නගරයේ ආපන ශාලා, කඩ සාප්පු, බැංකු ආදිය විනාශ කරමින් බොහෝ ඒවා ගිනි තබමින් යන බව නිරීක්ෂණය කළ හැකියි.
ඉතා වටිනා සන්නාම සහිත භාණ්ඩ අලෙවිසැල් විනාශ කර ඒවායේ බඩු බාහිරාදිය විරෝධතාකරුවන් විසින් සොරකම් කර ඇතැයි ද චෝදනා එල්ල වනවා.
කෙසේ වෙතත් මේ වනවිට නාහිල් එම් ගේ මරණය ප්‍රංශ වැසියන් අවභාවිත කරමින්, රටපුරා විරෝධතා රැල්ලක් ඇතිකරමින් යෑම යුක්ති සහගත නොවන බවයි, ප්‍රංශ ජනපති පවසා ඇත්තේ.
මෙම විරෝධතා හේතුවෙන් ප්‍රංශ ජනපති අද සිදුකිරීමට නියමිතව තිබූ තම ජර්මන් සංචාරයද කල් දමා තිබෙනවා.
නාහිල් එම් ගේ මරණය පිලිබඳ සමාජ මාධ්‍ය වාර්තා කර තිබු අයුරු
ජාත්‍යන්තර පන්දුවාර 20 ශ්‍රේණිගත කිරීම්වල නවතම යාවත්කාලීන කිරීම මේවන විට ICCය විසින් සිදු කර තිබෙනවා.…
පසුගිය වසර 10 සැලකීමේදී මෙරට උපත් අනුපාතය සැලකිය යුතු ආකාරයෙන් පහළ ගොස් ඇති බව, ළමා…
මේ වසරට අදාල විසර්ජන පනත් කෙටුම්පත අග්‍රාමාත්‍ය ආචාර්ය හරිනි අමරසූරිය අද පාර්ලිමේන්තුවට ඉදිරිපත් කරනු ලැබුවා. ඒ…
ශ්‍රී ලංකාවට එරෙහිව ඉදිරියේ දී පැවැත්වීමට නියමිත ටෙස්ට් තරගාවලියට තෝරාගත් ඔස්ට්‍රේලියානු සංචිතය අද (9) ප්‍රකාශයට…
වසර 19කට පෙර කාන්තාවක් සහ ඇයගේ දින 17ක් වයසැති නිවුන් දරුවන් ඝාතනය කිරීමේ ඝාතන නඩුව…
කොළඹ කොටුව සිට බදුල්ල දක්වා ඊයේ (08) දින ධාවනය කළ 1007 මගි ප්‍රවාහන දුම්රියේ ගමන්…