ශ්‍රී ලංකා කාන්තා ක්‍රිකට් කණ්ඩායමේ නායිකා චමරි අතපත්තු නවතම අයි.සී.සී එක්දින ක්‍රීඩිකාවන් ශ්‍රේණිගත කිරීම්හි පිතිකාරිණියන් අතර පළමු ස්ථානයට පත්ව තිබෙනවා.
නවසීලන්තයට එරෙහිව ඊයේ(3) නිමා වූ එක්දින තරගාවලියේ දී ශතක දෙකක් වාර්තා කරමින් ඇය දැක් වූ සුවිශේෂී දක්ෂතා හේතුවෙනුයි චමරි මෙලෙස පිතිකාරිණියන් අතර පෙරමුණට පත්ව ඇත්තේ.
ඒ අනුව මෙතෙක් එක්දින පිතිකාරිණියන් අතර පෙරමුණේ පසු වූ ඔස්ට්‍රේලියාවේ Beth Mooney ට මේ වන විට හිමිව ඇත්තේ දෙවැනි ස්ථානයයි.
ඇයට ශ්‍රේණිගත ලකුණු 754 ක් හිමියි. චමරි අතපත්තු මේ වන විට හිමි කර ගෙන සිටින ශ්‍රේණිගත ලකුණු ප්‍රමාණය 758 ක්. චමරි අතපත්තු නවසීලන්තයට එරෙහි පළමු එක්දින තරගයේ දී නොදැවී ලකුණු 108 ක් වාර්තා කළ අතර, දෙවැනි තරගයේ දී පළමු පන්දුවෙන්ම දැවී ගියා.
කෙසේවෙතත්, තෙවැනි තරගයේ දී පන්දු 80 කින් ඇය නොදැවී රැස් කළ ලකුණු සංඛ්‍යාව 140ක්.
ඒ අනුව මෙම තරගාවලියේ දී චමරි ලකුණු 248 ක් වාර්තා කිරීම කැපී පෙනුණා.
ශ්‍රී ලංකාව මෙම තරගාවලිය තරග 2-1 ක් ලෙස ජය ගත් අතර, එය නවසීලන්තයට එරෙහිව ශ්‍රී ලංකාව ලැබූ පළමු තරගාවලි ජයග්‍රහනයයි.
කොරෝනා වෛරසය ආසාදි වූ ආසාදිත වූ අනුරාධපුර ප්‍රදේශයේ පුද්ගලයෙකු මරණයට පත්ව ඇති බව වාර්තා වේ.…
ඔස්ට්‍රේලියානු ජාතික ව්‍යාපාරිකයකු වන බ්‍රයන් ෂැඩික් නමැත්තාට අයත් රුපියල් මිලියන 20ක මෙරට සමාගම් කොටස් සම්බන්ධයෙන්…
2020 වසරේ පැවති ශ්‍රී ලංකා ප්‍රිමියර් ලීග් ක්‍රිකට් තරගාවලියේදී මුදලට තරග පාවාදීම සඳහා ක්‍රීඩකයෙකුට යෝජනා…
අනුරාධපුර ශික්ෂණ රෝහලේ වෛද්‍යවරියගේ සිද්ධියේ සැකකාර හිටපු යුධ හමුදා සෙබළා කළ ඉල්ලීමක් අනුරාධපුර ප්‍රධාන මහේස්ත්‍රාත්…
හිටපු රාජ්‍ය අමාත්‍ය ශෂීන්ද්‍ර රාජපක්ෂ අල්ලස් කොමිසමට පැමිණ ඇති බව වාර්තා වේ. ප්‍රකාශයක් ලබා දීම…
එක්සත් ජනපද ජනාධිපති ඩොනල්ඩ් ට්‍රම්ප් විසින් රටවල් 12ක ජාතිකයින්ට එක්සත් ජනපදයට ඇතුළු වීම තහනම් කර…