ශ්‍රී ලංකාවෙන් මීට පෙර හමුනොවූ 4MMC නැමති මත්ද්‍රව්‍ය ග්‍රෑම් 115ක්, මොරටුවේ නිවසක සෙල්ලම් බඩු තුල සඟවා තිබියදී වලාන මධ්‍යම දූෂණ මර්දන ප්‍රහාරක ඒකකය විසින් සිදුකළ වැටලීමකදී සොයාගෙන තිබෙනවා.
එම මත්ද්‍රවය සමඟ සැකකරුවන් 03 දෙනෙකු අත්අඩංගුවට ගෙන ඇති බව සඳහන්.
පානදුර වලාන මධ්‍යම දූෂණ මර්දන ප්‍රහාරක ඒකකය සඳහන් කළේ මෙම මත්ද්‍රව්‍ය ජාවාරම මෙහෙයවන කෝටිපති ව්‍යාපාරිකයා, කෝටිපති ව්‍යාපාරිකයෙකුගේ පුතෙකු සහ තවත් පුද්ගලයෙකු මෙලෙස අත්අඩංගුවට ගත් බවය.
මෙරටදී පළමුවරට හඳුනාගත් මෙම මත්ද්‍රව්‍ය ජාවාරම මාලදිවයින සහ ඩුබායි සිට මෙහෙයවන බවට සැක කෙරේ.
මොරටුව සමන්පුර ප්‍රදේශයේ අති සුඛෝපභෝගී තෙමහල් නිවසක ජාත්‍යන්තරය හා සම්බන්ධ මත්ද්‍රව්‍ය ජාවාරමක් සිදුවන බවට ලැබී තිබූ තොරතුරකට අනුව වැටලීම සිදුකර තිබුණි.
සිදුකළ වැටලීමට අනුව මෙම මත්ද්‍රව්‍ය ජාවාරමේ මෙරට බෙදාහැරීමේ නියෝජිතයා ලෙස කටයුතු කරන මොරටුව සමන්පුර කෝටිපති ව්‍යාපාරිකයාගේ පුත්‍රයා අත්අඩංගුවට ගත්තේය.
සැකකරු සන්තකයේ තිබී හඳුනානොගත් විශේෂිත වූ මත්ද්‍රව්‍ය ග්‍රෑම් 115ක් පොලිස් භාරයට ගැනුණි.
පසුව ඔහුගෙන් සිදු කළ දීර්ඝ ප්‍රශ්න කිරීමේදී කාලයක් තිස්සේ සිදුකළ මෙම මත්ද්‍රව්‍ය ජාවාරමේ සුලමුල අනාවරණය වූ බව පොලීසිය කියයි.
සැකකරු අනාවරණය කළ තොරතුරු අනුව මත්ද්‍රව්‍ය ජාලයේ මහමොළකරු වන මෙරටට බෝට්ටු සහ එන්ජින් ආනයනය කිරීමේ කටයුතුවල යෙදෙන දෙහිවල අත්තිඩිය ප්‍රදේශයේ කෝටිපති ව්‍යාපාරිකයා අත්අඩංගුවට ගෙන ඇත.
එහිදී සිදුකළ ප්‍රශ්න කිරීමේදී මෙම මහපරිමාණ මත්ද්‍රව්‍ය ජාවාරමේ තොරතුරු තවදුරටත් අනාවරණය කරගැනීමට හැකිවූ බව පොලීසිය පැවසීය.
මෙම ජාවාරමේ මෙරට බෙදාහැරීමේ කටයුතුවලට සහාය ලබාදුන් දෙහිවල ඇන්ඩර්සන් පාරේ පදිංචි පුද්ගලයෙකුව ද කුෂ් මත්ද්‍රව්‍ය ග්‍රෑම් 20ක් සමග අත්අඩංගුවට ගෙන ඇත.
මෙම විශේෂිත වූ මත්ද්‍රව්‍ය සෙල්ලම් බඩු අතර සඟවා ඩුබායි සිට ගුවන් තැපැල් සහ කූරියර් සේවාව ඔස්සේ මෙරටට ආනයනය කර ඇති බවද හෙළිවී තිබේ.
පසුව එම භාණ්ඩ මොරටුව සමන්පුරදී අත්අඩංගුවට ගත් සැකකරුට භාරදීමෙන් අනතුරුව ඔහු ඒවා නැවත කොටස් කර සෙල්ලම් බඩුවල ඇසුරුම් කර මාලදිවයිනට ප්‍රති අපනයනය කිරීමට දෙහිවල අත්තිඩිය ප්‍රදේශයේ මහමොළකරු වෙත භාරදී තිබූ බවද මෙතෙක් කරන ලද විමර්ශනවලදී අනාවරණය වී ඇත.
ඊට අමතරව මෙම හඳුනානොගත් මත්ද්‍රව්‍ය විශේෂය රාත්‍රී සමාජ ශාලාවලට ඇබ්බැහිවී සිටින ධන කුවේරයින් අතර ද ප්‍රචලිත කර ඇති බව විමර්ශනවලදී අනාවරණය වෙමින් පවතින බව වැටලීම කළ පොලිස් නිලධාරියෙකු පැවසීය.
අත්අඩංගුවට ගත් සැකකරුවන් වැඩිදුර විමර්ශන කටයුතු සඳහා දෙහිවල සහ මොරටුව පොලීසි වෙත භාරදී ඇත.
ජනාධිපති අනුර කුමාර දිසානායක සිදු කරන ලද ප්‍රකාශයෙන් ජාතික ජන බලවේගයට බලය හිමි නොවන පළාත්…
කම්කරු නියෝජ්‍ය අමාත්‍ය මහින්ද ජයසිංහ විසින් අපරාධ පරීක්ෂණ දෙපාර්තමේන්තුව වෙත පැමිණිල්ලක් ඉදිරිපත් කර ඇති බව…
යේමනයේ රාස් ඊසා ඉන්ධන වරායට අමෙරිකානු හමුදාව විසින් ගුවන් ප්‍රහාරයක් එල්ල කර ඇති බව විදෙස්…
ඊශ්‍රායල ගුවන් ප්‍රහාරයකින් අත් දෙකම අහිමි වූ ගාසා තීරයේ තරුණ පලස්තීන පිරිමි ළමයෙකුගේ ඡායාරූපයක් වසරේ…
මැතිවරණ කොමිෂන් සභාව එළැඹෙන 21 වැනිදා රැස්වීමට නියමිතව ඇතැයි වාර්තා වේ. ඒ ජනාධිපති අනුර කුමාර…
සිංහල අවුරුදු උත්සව සමයේ ආරක්ෂාව සම්බන්ධයෙන් සැලකිලිමත් වන ලෙස ඊශ්‍රායලයේ රැදී සිටින ශ්‍රී ලාංකිකයන්ට තානාපති…