පේරාදෙණිය විශ්ව විද්‍යාලයේ සමසෞඛ්‍ය පීඨයේ දෙවැනි වසරේ සිසුවෙකු අද (08) අළුයම සියදිවි හානි කරගැනීමට තැත් කිරීමේදී එම උත්සාහ ව්‍යර්ථ වී තුවාල ලබා ප්‍රතිකාර සඳහා පේරාදෙණිය රෝහලට ඇතුළත් කර තිබේ.
අද අළුයම එකට පමණ සේනක බිබිලේ නේවාසිකාගාරයේ දෙවන මහලේ කාමරයකදී සිසුවා සිය දිවි නසා ගැනීමට උත්සාහ කර ඇති අතර එහිදී බිම ඇදවැටී තුවාල ලැබ සිටි ඔහුව සිසුන් විසින් රෝහල් ගත කර ඇති බව පොලිසිය කියයි.
මඩකලපුව ප්‍රදේශයේ පදිංචි මෙම 25 හැවිරිදි සිසුවා ඊයේ රාත්‍රියේ සෙසු සිසුන් සමඟ රාත්‍රී ආහාර ගැනීමට පිටතට ගොස් නැත.
සෙසු සිසුන් ඔහුට ආහාර රැගෙන පැමිණ කතා කරන අවස්ථාවේ දොර වසා තිබී ඇත.
අනතුරුව සිසුන් අසල ජනේල වලින් කාමරයට ඇතුළු වී සෝදිසි කිරීමේදී මෙම සිසුවා බිම ඇද වැටී සිටින අයුරු දැක ඔහුව රෝහල් ගත කර තිබේ.
අභ්‍යන්තර තොරතුරුවලට අනුව මේ සිසුවා ඉකුත් වසරේ නවක සිසුන් පිරිසකට අන්තර්ජාලය හරහා අසභ්‍ය දර්ශන පෙන්වමින් නවක වදය ලබා දීමට කටයුතු කළ සිසුන් කණ්ඩායම පිළිබඳ සිදුකළ විමර්ශනයේ දී හඳුනාගත් සිසුන් සිව් දෙනාගෙන් කෙනෙකි.
එම සිසුන් සිවු දෙනා නවක වද සිද්ධියට අදාළව වැඩිදුර පරීක්ෂණ සඳහා අපරාධ පරීක්ෂණ දෙපාර්තමේන්තුවට කැඳවා තිබූ අතර සිසුන් තිදෙනෙක් මෙම පරීක්ෂණයට මුහුණ දීමට අපරාධ පරීක්ෂණ දෙපාර්තමේන්තුවට ගොස් ඇත.
එහෙත් මෙම සිසුවා මේ වෙන තෙක් අපරාධ පරීක්ෂණ දෙපාර්තමේන්තුවට ගොස් නැති බව දැනගන්නට තිබේ.
කුලියාපිටිය කාර්මික විද්‍යාලයේ පළමු වසරේ සිසුවියක් නවකවධය දරාගත නොහැකිව වැවකට පැන සියදිවි නසාගැනීමට උත්සාහ කර…
අධ්‍යාපන ඩිජිටල් පරිවර්තනය සඳහා වූ කාර්ය සාධක බලකායක් ස්ථාපිත කිරීමට කැබිනට් අනුමැතිය ලැබී ඇති බව…
ජනාධිපතිවරණය ප්‍රකාශයට පත් කිරීමෙන් පසු සුරා බදු පනතට පටහැනි අන්දමින් නව මත්පැන් බලපත්‍ර නිකුත් කිරීම…
ප්‍රමිතියෙන් තොර හියුමන් ඉමියුනොග්ලොබියුලින් ප්‍රතිදේහ එන්නත් මිලදී ගැනීමේ සිද්ධිය සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල…
අමාත්‍ය මණ්ඩල සංශෝධනයක් හෝ අග්‍රාමාත්‍ය ධුරයේ වෙනස්වීමක් පිළිබඳව කිසිම අවස්ථාවක ආණ්ඩුව තුළ සාකච්ඡාවක් සිදුකර නොමැති…
හිටපු අමාත්‍ය ඩලස්ගේ වට්ස්ඇප් ගිණුම වෙනත් අයෙකු විසින් හැක් කර ඇති බව වාර්තා වේ. අනතුරුව…