හිටපු පොලිස්පති සී.ඩී. වික්‍රමරත්නට යළිත් මාස තුනක සේවා දිගුවක් ලබාදීමට නියමිත බවට තොරතුරු වාර්තා වනවා.
ඒ, අනුව ඔහු අද හෝ හෙට දිනයේ දී එම තනතුරේ වැඩ ආරම්භ කිරීමට නියමිත බවටයි වාර්තා වන්නේ.
සී.ඩී. වික්‍රමරත්න පොලිස්පතිවරයා පසුගිය මාර්තු මස 26 වනදා විශ්‍රාම යෑමට නියමිතව තිබුණ ද රජය විසින් ඔහුට මාස තුනක සේවා දිගුවක් ලබා දෙනු ලැබුවා.
එලෙස ලබාදුන් සේවා දිගුව අවසන් වුණේ පසුගිය ජුනි මස 26 වනදායි.
මේ අතර පොලිස්පති ධූරයට සුදුස්සෙකු පත්කිරීම ප්‍රමාදවීම සම්බන්ධයෙන් පාර්ලිමේන්තුවේදී ද ඊයේ (7) අදහස් පළ වුණා.
පාර්ලිමේන්තු මන්ත්‍රී ඩලස් අලහප්පෙරුම සඳහන් කළේ පොලිස්පතිවරයෙකු නොමැතිවීම රටේ අපරාධ වර්ධනයට ද හේතුවක් වන බවයි.
ඊට ප්‍රතිචාර දක්වමින් අග්‍රාමාත්‍ය දිනේෂ් ගුණවර්ධන මහතා පැවසුවේ පොලිස්පතිවරයා විසින් ඉටුකළ යුතු කාර්යභාරයන් දිස්ත්‍රික්ක භාර නියෝජ්‍ය පොලිස්පතිවරුන් වෙත පවරා ඇති බවයි.
කෙසේවෙතත් විපක්ෂ නායක සජිත් ප්‍රේමදාස මහතා පැවසුවේ පොලිස්පතිවරයා පත් කිරීම තවත් සතියකටත් වඩා වැඩි කාලයකින් ප්‍රමාද වීමේ හැකියාවක් ඇති බවයි.
සී.ඩී. වික්‍රමරත්න මහතා 2020 නොවැම්බර් මස 27 වැනි දින පොලිස්පති ධුරයේ වැඩ භාරගනු ලැබුවේ මෙරට 35 වැනි පොලිස්පතිවරයා ලෙසයි.
ජනප්‍රිය පොප් ගායිකා කේටි පෙරී ඇතුලු කාන්තාවන් හය දෙනෙකු අභ්‍යාවකාශයේ සිදු කළ ඓතිහාසික සංචාරය නිම…
පළාත් පාලන මැතිවරණයට භාරදුන් නාමයෝජනා ප්‍රතික්ෂේප වීමට එරෙහිව නඩු පැවරූ අපේක්ෂකයන්ට නඩු වාර්තාවල පිටපත් දිස්ත්‍රික්…
ඇල්පිටිය පොලිස් වසමේ ඇල්පිටිය අම්බලන්ගොඩ මාර්ගයේ කුරුඳුගහ හැතැප්ම හන්දියේ අද (15) අලුයම සිදුවූ රිය අනතුරකින්…
රැඳවුම් නියෝග මත අපරාධ පරීක්ෂණ දෙපාර්තමේන්තුව භාරයේ සිටින සිවනේශතුරෙයි චන්ද්‍රකාන්තන් හෙවත් පිල්ලෙයාන් සමග සාකච්ඡා කිරීමට…
අමෙරිකාවේ සැන් ඩියාගෝ කලාපයට රික්ටර් මාපකයේ ඒකක 5.2ක ප්‍රබලත්වයෙන් යුතු භූකම්පනයක් බලපා තිබෙනවා. අමෙරිකානු බලධාරීන්…
මගී ජනතාවගේ අවශ්‍යතාවය අනුව අද (15) දිනයේ සිට බස් රථ ධාවනයට එක්කිරීමට කටයුතු කරන බව…