පාස්කු ඉරිදා එල්ල කෙරුණු ත්‍රස්ත ප්‍රහාරය වළක්වා ගැනීමට කටයුතු නොකිරීම තුළින් සිදුකළ මුලික මිනිස් අයිතිවාසිකම් උල්ලංඝනය කිරීම වෙනුවෙන් රුපියල් මිලියන 100ක වන්දියක් ගෙවන ලෙස හිටපු ජනාධිපති මෛත්‍රීපාල සිරිසේන මහතා වෙත ශ්‍රේෂ්ඨාධිකරණය විසින් කරන ලද නියෝගයට අනුව ඒ මහතා විසින් වන්දි වශයෙන් රුපියල් මිලියන 15ක මුදලක් ගෙවා ඇති බව වාර්තා වනවා.
පසුගිය ජනවාරි 12 වනදා අගවිනිසුරු ජයන්ත ජයසුරිය ප්‍රමුඛ ශ්‍රේෂ්ඨාධිකරණය සත්පුද්ගල විනිසුරු මඬුල්ල ඒකමතිකව තීන්දුවක් දෙමින් අදාළ වන්දි මුදල් මාස 6ක් ඇතුළත ගෙවන ලෙස හිටපු ජනාධිපතිවරයාට නියෝග කළා.
මේ අනුව මාස 6ක කාලය අද (12) දිනයෙන් අවසන් වීමට නියමිතව තිබුණා. ජ්‍යෙෂ්ඨ නීතිවේදීන් පෙන්වා දෙන්නේ ශ්‍රේෂ්ඨාධිකරණ නියෝග පරිදි වන්දි මුදල් පරිදි නොගෙවීම සිදුනොකළහොත් එය අධිකරණයට අපහාස කිරීමක් ලෙසයි.
බුද්ධි තොරතුරු ලබා තිබියදී පාස්කු ඉරුදින ප්‍රහාරය වළක්වා නොගැනීමෙන් හිටපු ජනාධිපති මෛත්‍රිපාල සිරිසේන, හිටපු ආරක්ෂක ලේකම් හේමසිරි ප්‍රනාන්දු, හිටපු ජාතික බුද්ධි ප්‍රධානී සිසිර මෙන්ඩිස්, හිටපු රාජ්‍ය බුද්ධි අංශ ප්‍රධානී ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන, හිටපු පොලිස්පති පූජිත ජයසුන්දර යන අය වින්දිතයන්ගේ මූලික අයිතිවාසිකම් උල්ලංඝනය කර ඇති බවට තීන්දු කළ ශ්‍රේෂ්ඨාධිකරණය මේ වෙනුවෙන් පාස්කු ප්‍රහාරවල වින්දිතයන්ට වන්දි ගෙවන ලෙස පසුගිය ජනවාරි 12 වනදා නියෝග කළා.
මේ අනුව පාස්කු ප්‍රහාරවල වන්දිතයින්ට රුපියල් කෝටි 10ක වන්දියක් ගෙවන ලෙස හිටපු ජනාධිපතිවරයාට ශ්‍රේෂ්ඨාධිකරණය නියෝග කරනු ලැබුවා.
පළාත් පාලන ආයතන ඡන්ද විමසීමට අදාළ නිල ඡන්ද දැන්වීම් පත්‍රිකා අද (16) දිනයේ තැපෑල වෙත…
පේරු රාජ්‍යයේ හිටපු ජනාධිපති ඔලන්ටා උමාලා සහ ඔහුගේ බිරිඳ වන නදීන් හෙරෙවියාට වසර 15ක සිර…
පසුගිය දින 2ක් තුළ බීමත් රියැදුරන් 800 දෙනෙකුට එරෙහිව නඩු පැවරීමට පොලිසිය පියවර ගෙන ඇති…
නිවාසවල වහලය මත සවිකර ඇති සුර්ය පැනල අක්‍රීය කිරිමේ කටයුතු කෙටි පණිවුඩයක් ලැබුණහොත් පමණක් හෙට…
මගී ජනතාවගේ අවශ්‍යතාවය අනුව අද (16) දිනයේ ද බස් රථ ධාවනයට එක්කිරීමට කටයුතු කරන බව…
සිංහල දෙමළ අලුත් අවුරුදු චාරිත්‍රවලට අනුව හිසතෙල් ගෑමේ චාරිත්‍රය අද (16) දිනයට යෙදී තිබේ. ඒ…