පාකිස්තානය සමග පැවැත්වීමට නියමිත තරග දෙකකින් යුත් ටෙස්ට් ක්‍රිකට් තරගාවලියේ පළමු තරගය සදහා වන ශ්‍රී ලංකා ටෙස්ට් සංචිතය ශ්‍රී ලංකා ක්‍රිකට් ආයතනය විසින් අද (13) නිවේදනය කළා දිමුත් කරුණාරත්නගේ නායකත්වයෙන් යුත් සංචිතයට ක්‍රීඩකයින් 16 දෙනෙකු ඇතුළත්.
වේග පන්දු යවන ක්‍රීඩක අසිත ප්‍රනාන්දු මෙම සංචිතයට පළමුව නම් කර තිබුණ ද, ඔහුට ඩෙංගු රෝගය වැළදීම හේතුවෙන් සංචිතයෙන් ඉවත් කිරීමට සිදු වූ බවයි ශ්‍රී ලංකා ක්‍රිකට් ආයතනය නිවේදනය කළේ.
ඔහු වෙනුවට මෙතෙක් ටෙස්ට් වරම් දිනා නොමැති ඩිල්ෂාන් මදුෂංක සංචිතයට ආදේශ කිරීමටයි පියවර ගෙන ඇත්තේ.
ටෙස්ට් වරම් දිනා නොමැති දග පන්දු යවන ක්‍රීඩක ලක්ෂිත මනසිංහ ද සංචිතයට ඇතුළත්.
නිරෝෂන් දික්වැල්ල මෙම සංචිතයට ද ඇතුළත් කර නොමැති අතර, ඒ අනුව අයර්ලන්තයට එරෙහි තරගාවලියේ දී කඩුලු රකින පිතිකරු ලෙස කටයුතු කළ සධීර සමරවික්‍රම පාකිස්තානයට එරෙහි පළමු ටෙස්ට් තරගයේ දී ද කඩුලු රකින පිතිකරු ලෙස කටයුතු කරනු ඇති.
පැතුම් නිස්සංක හා ප්‍රවීන් ජයවික්‍රම යළි ටෙස්ට් සංචිතයට කැදවා ඇති අතර, දුෂාන් හේමන්ත, ලසිත් ඇඹුල්දෙණිය, මිලාන් රත්නායකට සංචිතයේ ස්ථාන අහිමි වී තිබෙනවා.
දෙරට අතර පළමු ටෙස්ට් තරගය ජූලි 16 වැනිදා ගාල්ලේ දී ද, දෙවැනි ටෙස්ට් තරගය ජූලි 24 වැනිදා කොළඹ එස්.එස්.සී ක්‍රීඩාංගනයේ දී ද ආරම්භ වීමට නියමිතව තිබෙනවා.
පසුගිය දින 2ක් තුළ බීමත් රියැදුරන් 800 දෙනෙකුට එරෙහිව නඩු පැවරීමට පොලිසිය පියවර ගෙන ඇති…
නිවාසවල වහලය මත සවිකර ඇති සුර්ය පැනල අක්‍රීය කිරිමේ කටයුතු කෙටි පණිවුඩයක් ලැබුණහොත් පමණක් හෙට…
මගී ජනතාවගේ අවශ්‍යතාවය අනුව අද (16) දිනයේ ද බස් රථ ධාවනයට එක්කිරීමට කටයුතු කරන බව…
සිංහල දෙමළ අලුත් අවුරුදු චාරිත්‍රවලට අනුව හිසතෙල් ගෑමේ චාරිත්‍රය අද (16) දිනයට යෙදී තිබේ. ඒ…
ජනප්‍රිය පොප් ගායිකා කේටි පෙරී ඇතුලු කාන්තාවන් හය දෙනෙකු අභ්‍යාවකාශයේ සිදු කළ ඓතිහාසික සංචාරය නිම…
පළාත් පාලන මැතිවරණයට භාරදුන් නාමයෝජනා ප්‍රතික්ෂේප වීමට එරෙහිව නඩු පැවරූ අපේක්ෂකයන්ට නඩු වාර්තාවල පිටපත් දිස්ත්‍රික්…