ජනාධිපති රනිල් වික්‍රමසිංහගේ ඉන්දීය සංචාරයට ප්‍රථම උතුරේ දෙමළ දේශපාලන පක්ෂ හයක් විසින් ඉන්දීය අග්‍රාමාත්‍ය නරේන්ද්‍ර මෝදි වෙත ලිපියක් යොමුකර තිබේ.
ඊ.පී.ආර්.එල්.එෆ්., ප්ලොට්, ටෙලෝ, දෙමළ ජනතා ජාතික පෙරමුණ, දෙමළ ජාතික පක්ෂය සහ පුනරුත්ථාපනය වූ හිටපු එල්.ටී.ටී.ඊ. සාමාජිකයන්ගෙන් සැදුම්ලත් ප්‍රජාතන්ත්‍රවාදී සටන්කරුවන්ගේ පක්ෂය යන පක්ෂ හයේ නායකයන්ගේ අත්සනින් මෙම ලිපිය යොමුකර තිබේ.
උතුරු නැගෙනහිර පළාත්වල ජනවාර්ගිත අර්බුදයට විසඳුම් වශයෙන් 1987 වසරේදී අත්සන් කරන ලද ඉන්දු ලංකා ගිවිසුමට අනුව ගෙන එන ලද 13 වැනි ආණ්ඩුක්‍රම ව්‍යවස්ථා සංශෝධනය මුළුමනින්ම බලාත්මක කරලීමට ජනාධිපතිවරයා ප්‍රමුඛ ශ්‍රී ලංකා රජයට බල කරන ලෙසට මෙම පක්ෂ ඉන්දීය අගමැතිවරයාගෙන් ඉල්ලා සිටී.
13 වැනි සංශෝධනයට අනුව හිමි පොලිස් ඉඩම් අතුළු බලතල රාශියක් මධ්‍යම ආණ්ඩුව යටතට ගෙන තිබෙන බවත් එම බලතල නැවත පළාත් සභා වෙත ලබාදීමට මැදිහත් වන ලෙසත් මෙම පක්ෂ තවදුරටත් ඉල්ලා තිබේ.
උතුරු, නැගෙනහිර ඇතුළු සියලුම පළාත් සභා මේ වන විට අකර්මණ්‍ය වී තිබෙන හෙයින් 13 වැනි සංශෝධනයට අනුව සියලු බලතල සහිතව කඩිනමින් පළාත් සභා මැතිවරණය පවත්වන ලෙසටද ජනාධිපතිවරයාට උපදෙස් දෙන්නැයි ද ඉල්ලූ බව දෙමළ ජනතා ජාතික පෙරමුණේ නායක පාර්ලිමේන්තු මන්ත්‍රි සී.වී. විග්නේෂ්වරන් පැවැසීය.
ජනාධිපතිවරයා ලබන 20 සහ 21 දෙදින ඉන්දීය නිල සංචාරයක් සඳහා එක්වීමට නියමිතය.
ජාත්‍යන්තර පන්දුවාර 20 ශ්‍රේණිගත කිරීම්වල නවතම යාවත්කාලීන කිරීම මේවන විට ICCය විසින් සිදු කර තිබෙනවා.…
පසුගිය වසර 10 සැලකීමේදී මෙරට උපත් අනුපාතය සැලකිය යුතු ආකාරයෙන් පහළ ගොස් ඇති බව, ළමා…
මේ වසරට අදාල විසර්ජන පනත් කෙටුම්පත අග්‍රාමාත්‍ය ආචාර්ය හරිනි අමරසූරිය අද පාර්ලිමේන්තුවට ඉදිරිපත් කරනු ලැබුවා. ඒ…
ශ්‍රී ලංකාවට එරෙහිව ඉදිරියේ දී පැවැත්වීමට නියමිත ටෙස්ට් තරගාවලියට තෝරාගත් ඔස්ට්‍රේලියානු සංචිතය අද (9) ප්‍රකාශයට…
වසර 19කට පෙර කාන්තාවක් සහ ඇයගේ දින 17ක් වයසැති නිවුන් දරුවන් ඝාතනය කිරීමේ ඝාතන නඩුව…
කොළඹ කොටුව සිට බදුල්ල දක්වා ඊයේ (08) දින ධාවනය කළ 1007 මගි ප්‍රවාහන දුම්රියේ ගමන්…