පසුගිය වසරේ ජුලි 9 වනදා ජනාධිපති මන්දිරයෙන් රුපියල් මිලියන 17.85ක් සොයා ගැනීම සම්බන්ධයෙන් හිටපු ජනාධිපති ගෝඨාභය රාජපක්ෂ මහතාගෙන් ලබන ජුලි 27 වනදා ප්‍රකාශයක් සටහන් කර ගැනීමට අපේක්ෂා කරන බව අල්ලස් කොමිසම කොළඹ කොටුව මහේස්ත්‍රාත් අධිකරණයට දැනුම් දී තිබෙනවා.
අල්ලස් කොමිසම මෙම විමර්ශනය ආරම්භ කර ඇත්තේ පුරවැසි බලය සංවිධානය විසින් කරන ලද පැමිණිල්ලකට අනුවයි.
කොළඹ කොටුව මහේස්ත්‍රාත් තිළිණ ගමගේ මහතා මීට පෙර අල්ලස් කොමිසමේ නිලධාරීන් නොතීසි නිකුත් කර තිබුණේ මෙම මුදල සම්බන්ධයෙන් අල්ලස් පනත යටතේ වරදකාරී කටයුත්තක් සිදුව ඇත්දැයි සොයා බැලීම සඳහා අධිකරණය හමුවේ පෙනී සිටින ලෙසයි.
අදාළ සිදුවීමට සම්බන්ධයෙන් අපරාධ පරීක්ෂණ දෙපාර්තමේන්තුව සිදුකළ ප්‍රශ්ණ කිරීමකදී හිටපු ජනාධිපතිවරයා කර තිබුණේ අදාළ මුදල ශ්‍රී ලංකා පොදුජන පෙරමුණට සම්බන්ධ ව්‍යාපාරිකයන් විසින් ලබාදී ඇති බවත් එම මුදල් විරෝධතාකරුවන් විසින් නිවාස විනාශ කරන ලද පුද්ගලයන් අතරේ බෙදා දීමට සැලසුම් කර තිබූ බවත්ය.
කෙසේ නමුත් අරගල ක්‍රියාකාරීන් විසින් එම පරිශ්‍රය අත්පත් කර ගැනීම සමඟ මුල්‍ය වාර්තාවලට අදාළ ලිපි ලේඛන අස්ථානගත වී ඇති බවද හිටපු ජනාධිපතිවරයා සඳහන් කර තිබුණා.
හිටපු ජනාධිපතිවරයා අපරාධ පරීක්ෂණ දෙපාර්තමේන්තුවට ලබාදුන් ප්‍රකාශයේ වැඩිදුරටත් සඳහන්ව තිබුණේ එම මුදල් සඳහා දායක වූ පුද්ගලයන්ගේ නම් හෙළි කිරීමට තමාට හැකියාවක් නොමැති බවයි.
මේ අතර මුදල් විශුද්ධිකරණ පනත යටතේ වරදක් සිදුවී ඇත්දැයි සොයා බැලීම සඳහා එම විමර්ශන නීතිපතිවරයා වෙත යොමු කිරීමට නියමිත බවයි රහස් පොලීසිය අධිකරණයට දැනුම් දී තිබෙනවා.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…