මෙවර උසස් පෙළ විභාගයට පෙනී සිටීමට නියමිත සිසුන්ගේ පාසල් පැමිණීම සියයට 40ක් ලෙස සලකා කටයුතු කිරීමට තීරණය කර ඇති බව අධ්‍යාපන අමාත්‍ය සුසිල් ප්‍රේම්ජයන්ත මහතා පවසයි.
ඒ මෙවර උසස් පෙළ විභාගයට පෙනී සිටීමේදී පාසල් අයදුම්කරුවන්ට සියයට 80ක පාසල් පැමිණීම අනිවාර්ය කිරීම හේතුවෙන් බොහො සිසුන් පිරිසකට විභාගයට පෙනීසිටීම සඳහා අවස්ථාව නොලැබෙන බවට පැමිණිලි ලැබීම හේතුවෙනි. ඊයේ (20) පාර්ලිමේන්තුවේදී අදහස් දක්වමින් අමාත්‍යවරයා මේ බව පැවසීය.
2023 වර්ෂයට අදාළ අධ්‍යයන පොදු සහතික පත්‍ර උසස් පෙළ විභාගයේ අයදුම් පත් කැඳවීම ජුලි මස 28 වන දින අවසන් වීමට නියමිත බව ද අධ්‍යාපන අමාත්‍යාංශය පසුගියදා නිවේදනය කළේය.
එමෙන්ම මෙවර විභාගය සඳහා මාර්ගගත ක්‍රමවේදය ඔස්සේ අයදුම් කළයුතු වන අතර අදාළ දිනයෙන් පසු අයදුම් පත් භාර නොගන්නා බව අධ්‍යාපන අමාත්‍යංශය වැඩිදුරටත් සඳහන් කරයි.
මේ අතර 2023 උසස් පෙළ විභාගයට අයදුම් කිරීමට අදාළව අවස්ථා කිහිපයකදී චක්‍රලේඛ නිකුත් කිරීම හේතුවෙන් ගැටලුකාරී තත්ත්වයන්ට මුහුණ දීමට සිසුන්ට සිදුවී ඇති බව ලංකා ගුරු සංගමය පවසයි. එහි ප්‍රධාන ලේකම් ජෝසෆ් ස්ටාලින් මහතා ප්‍රකාශ කළේ, පාසල් පැමිණීම සියයට 80ක් විය යුතු බවට පසුගිය 17 වනදා චක්‍රලේඛයක් නිකුත් කිරීම තුළින් බොහෝ සිසුන්ට පාසලෙන් ඉල්ලා අස්වී පෞද්ගලික අයදුම්කරුවන් ලෙස අයදුම්පත් යොමුකිරීමට සිදුවූ බවය.
එහෙත් නැවතත් පාසලට පැමිණීමේ ප්‍රතිශතය සියයට 40ක් දක්වා අඩුකර ඇති අතර පුද්ගලික මට්ටමින් අයදුම් කළ සිසුන්ට අවශ්‍යනම් නැවතත් පාසල හරහා අයදුම් කළ හැකි බවට දැනුම්දී තිබුණි.
මෙම තත්ත්වය හමුවේ ඇතැම් විදුහල්පතිවරුන් අත්තනෝමතිකව කටයුතු කරමින් ළමුන් සහ දෙමව්පියන් පීඩාවට පත්කරන බව ජෝසෆ් ස්ටාලින් මහතා සඳහන් කළේය.
කලවාන ප්‍රාදේශීය සභා නව මන්ත්‍රී සුජීව පුෂ්පකුමාර අද (ජුනි 2) විදුලි සැර වැදී මිය ගොස්…
ලොව පුරා පැතිර යන නව කොවිඩ් වෛරසය සම්බන්ධව වර්තමාන තත්ත්වය පැහැදිලි කරමින් සෞඛ්‍ය හා ජනමාධ්‍ය…
හිටපු මුදල් අමාත්‍ය රවී කරුණානායක ගොනු කළ පෙත්සමක්, ශ්‍රේෂ්ඨාධිකරණය විසින් ප්‍රතික්ෂේප කර තිබෙන බව වාර්තා…
දූෂණ චෝදනා මත අල්ලස් කොමිසම විසින් අත්අඩංගුවට ගන්නා ලද තලවකැලේ ලිඳුල නගර සභාවේ හිටපු සභාපති…
පසුගිය වසරේ ජනවාරි 10 වන දින ගලබොඩවත්ත කොරොතොට ප්‍රදේශයේදී පුද්ගලයෙකු වෙඩි තබා ඝාතනය කිරීමේ සිද්ධියේ…
උසාවියට අපහාස කරන කළැයි කියමින් පුත්තලම මහාධිකරණයෙන් රිමාන්ඩ් බාරයට පත් කිරීමෙන් පසු අභියාචනාධිකරණ විසින් නොපමාව…