තවත් නිර්වින්දන ඖෂධ කාණ්ඩ දෙකක් ඉවත් කෙරේ !

තවත් නිර්වින්දන ඖෂධ කාණ්ඩ දෙකක් භාවිතයෙන් ඉවත් කළ බව සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා පවසනවා.

අනුරාධපුර ප්‍රදේශයේ පැවති උත්සවයකින් අනතුරුව මාධ්‍ය වෙත අදහස් දක්වමින් ඔහු වැඩිදුරටත් කියා සිටියේ ජාතික ඖෂධ නියාමන අධිකාරිය විසින් නිකුත් කළ වාර්තාවට අනුව එම නිර්වින්දන ඖෂධ කාණ්ඩ දෙක භාවිතයෙන් ඉවත් කිරීමට කටයුතු කළ බවයි.

මෙම නිර්වින්දන ඖෂධ කාණ්ඩ භාවිතයෙන් ඉවත් කළද වෙනත් නිර්වින්දන ඖෂධයක් ලැබී ඇති බවත් එම ඖෂධය රෝහල් වෙත කඩිනමින් යොමු කිරීමට කටයුතු කරන බවත් සෞඛ්‍ය සේවා අධ්‍යක්ෂ ජනරාල්වරයා වැඩිදුරටත් කියා සිටියා.