රුපියල් කෝටි පනස් පහක් වැය කරමින් ශ්‍රී ජයවර්ධනපුර කෝට්ටේ මහ නගර සභාව රාජගිරියේ ඉදිකර තිබෙන ජනජය සිටි සුපිරි වෙළෙඳ සංකීර්ණය සම්පූර්ණයෙන්ම අසාර්ථක ව්‍යාපෘතියක් බව අනාවරණය වී තිබේ.
මේ බව අනාවරණය වී ඇත්තේ පසුගියදා පාර්ලිමේන්තුවේ පැවති පොදු ව්‍යාපාර පිළිබඳ කාරක සභාවේදී (කෝප් කමිටුව)ය.
මෙම වෙළෙඳ සංකීර්ණයේ මාසික නඩත්තුව සඳහා පමණක් මාසිකව රුපියල් කෝටියක පමණ මුදලක් වැය කිරීමට සිදුව තිබෙන බවත් එහිදී හෙළි වී ඇත.
මෙම සංකීර්ණය ඉදිකර ඇත්තේ රාජ්‍ය පාරිපාලන අමාත්‍යාංශ‍ය යටතේ ඇති දේශීය ණය සංවර්ධන අරමුදලෙන් ලබාගත් ණයකින් වන අතර මේ වනවිට එම ණය මුදල සම්පූර්ණයෙන්ම පියවා දැමීමට මහ නගර සභාව කටයුතු කර තිබේ.
ණය මුදල පියවා ඇතත් ව්‍යාපෘතිය මහ නගර සභාවට බරක් වී තිබෙන බවට මෙහිදී සාකච්ඡාවට භාජනය වී ඇත.
මෙම ණය මුදල අනුමත කිරීම සම්බන්ධයෙන් සලකා බලන ලෙස තමන් වරින් වර කළ ඉල්ලීම නොතකා ව්‍යාපෘතිය සඳහා ණය ලබා දීමට එම අරමුදල කටයුතු කළ බව මෙම කාරක සභාවට එක්ව සිටි කොළඹ දිස්ත්‍රික් මන්ත්‍රිවරයෙක් සඳහන් කර තිබේ.
පළාත් පාලන ආයතනවල සංවර්ධන ව්‍යාපෘති සඳහා පිහිටුවා ඇති මෙම අරමුදලෙන් මුදල් වෙන් කිරීම සම්බන්ධයෙන් විධිමත් ක්‍රමවේදයක් නොමැති බවට කෝප් කමිටු සභාපති, පාර්ලිමේන්තු මන්ත්‍රි මහාචාර්ය රංජිත් බණ්ඩාර එහිදී චෝදනා කර තිබේ.
එම අරමුදලේ සභාපති, රාජ්‍ය පරිපාලන අමාත්‍යාංශ ලේකම් රංජිත් අසෝක සඳහන් කර ඇත්තේ ප්‍රමුඛතාව ලබා දියයුතු ක්ෂේත්‍ර සම්බන්ධයෙන් විධිමත් වැඩපිළිවෙළක් සකස් කරන බවය.
යුක්‍රේන ජනාධිපති වොලොඩිමියර් සෙලෙන්ස්කි විසින් එරට අග්‍රාමාත්‍ය ධුරයේ වෙනසක් සිදුකර ඇතැයි විදෙස් මාධ්‍ය වාර්තා කරයි.…
අල්ලස් කොමිසම විසින් තමන්ව අත්අඩංගුවට ගැනීමට පෙර අපේක්ෂිත ඇපයක් මත මුදාහරින ලෙස ඉල්ලා හිටපු අමාත්‍ය…
හඳුනානොගත් නීතිවිරෝධී පිරමීඩ යෝජනා ක්‍රම 50කට අධික සංඛ්‍යාවක් මෙරට තුළ ක්‍රියාත්මක වන බව ශ්‍රී ලංකා…
ඇමෙරිකාව විසින් යෝජනා කරනු ලැබූ තීරු බදු අඩුකර ගැනීම සඳහා අඛණ්ඩ සාකච්ඡා පැවැත්වීමට තීරණය කර…
දෙහිවල දුම්රිය ස්ථානය අසලදී පුද්ගලයෙකු ඉලක්ක කර වෙඩිතැබීමක් සිදුකර ඇති බව වාර්තා වේ. මීට සුළු…
2014 වසරේ අනුරාධපුර දිස්ත්‍රික්කයේ දිළිඳු ගොවීන් සඳහා සහනදායි මිල ගණන් යටතේ බෙදා දීමට රුපියල් මිලියන…