සියලු වර්ගවල ඉන්ධන සඳහා මිල සූත්‍රයට අනුව උපරිම සිල්ලර මිල පමණක් ප්‍රකාශයට පත් කිරීමට තීරණය කර තිබෙනවා.
මෙරට ඉන්ධන බෙදාහරින සමාගම් අතර තරඟකාරීත්වයක් ඇති කිරීම සඳහා උපරිම සිල්ලර මිලක් ප්‍රකාශයට පත් කිරීමට පියවර ගන්නා බව විදුලිබල හා බලශක්ති රාජ්‍ය අමාත්‍ය ඩී.වී චානක මහතා ප්‍රකාශ කළේ.
කොළඹදී මාධ්‍ය වෙත අදහස් දක්වමින් ඔහු කියා සිටියේ අගෝස්තු මාසයේ සිට මිල සූත්‍රය යටතේ සියලුම ඉන්ධන සමාගම් සඳහා උපරිම සිල්ලර මිල රජය විසින් නියම කරන බවයි.
QR කේතය සම්බන්ධයෙන් ඉදිරියේදී සියලු පාර්ශ්ව සමඟ සාකච්ඡා කර තීරණයක් ගැනීමට බලාපොරොත්තු වන බවද රාජ්‍ය අමාත්‍යවරයා සඳහන් කළා.
ඉන්ධන තරඟකාරිත්වය ඉහළ නැංවීම සඳහා ජාත්‍යන්තර වශයෙන් ලියාපදිංචි ප්‍රධාන සමාගම් තුනක් සමඟ ගිවිසුම්වලට එළඹ ඇති බව ඔහු පැවසුවා.
මෙමඟින් තරඟකාරීත්වය වැඩි වන අතර වත්මන් ඩොලර් ගැටලුවට හොඳ පිළියමක් ඉදිරිපත් වන බවයි රාජ්‍ය අමාත්‍යවරයා සඳහන් කළේ.
ලබන මස මුල් සතිය වන විට සිනොපෙක් සමාගමේ නෞකාවක් ශ්‍රී ලංකාවට පැමිණීමට නියමිතයි.
මෙතෙක් ඉන්ධන මිල සූත්‍රය තිබුණේ ලංකා ඛනිජ තෙල් නීතිගත සංස්ථාවට පමණයි.
ඒ වෙනුවට මෙම නව ක්‍රමය හරහා සියලුම සමාගම්වලට බලපාන පරිදි මිල සූත්‍රය භාවිත කරමින් උපරිම සිල්ලර මිලක් නියම කිරීමට පියවර ගන්නා බව රාජ්‍ය අමාත්‍ය ඩී.වී.චානක සඳහන් කළා.
මේ අනුව ඉදිරියේදී අමාත්‍යාංශය උපරිම සිල්ලර මිල පමණක් තීරණය කරනු ඇහි.
එවිට උපරිම මිලට යටත්ව තමන් කැමති මිලකට ඉන්ධන ලබාදීමට සමාගම්වලට හැකියාව ලැබෙනවා.
විදුලිබල හා බලශක්ති රාජ්‍ය අමාත්‍ය ඩී.වී.චානක ප්‍රකාශ කළේ මෙමගින් ඉන්ධන සමාගම් අතර තරඟයක් ඇතිවී ඉන්ධන මිල අඩුවන බවයි.
ජනාධිපති අනුර කුමාර දිසානායක සිදු කරන ලද ප්‍රකාශයෙන් ජාතික ජන බලවේගයට බලය හිමි නොවන පළාත්…
කම්කරු නියෝජ්‍ය අමාත්‍ය මහින්ද ජයසිංහ විසින් අපරාධ පරීක්ෂණ දෙපාර්තමේන්තුව වෙත පැමිණිල්ලක් ඉදිරිපත් කර ඇති බව…
යේමනයේ රාස් ඊසා ඉන්ධන වරායට අමෙරිකානු හමුදාව විසින් ගුවන් ප්‍රහාරයක් එල්ල කර ඇති බව විදෙස්…
ඊශ්‍රායල ගුවන් ප්‍රහාරයකින් අත් දෙකම අහිමි වූ ගාසා තීරයේ තරුණ පලස්තීන පිරිමි ළමයෙකුගේ ඡායාරූපයක් වසරේ…
මැතිවරණ කොමිෂන් සභාව එළැඹෙන 21 වැනිදා රැස්වීමට නියමිතව ඇතැයි වාර්තා වේ. ඒ ජනාධිපති අනුර කුමාර…
සිංහල අවුරුදු උත්සව සමයේ ආරක්ෂාව සම්බන්ධයෙන් සැලකිලිමත් වන ලෙස ඊශ්‍රායලයේ රැදී සිටින ශ්‍රී ලාංකිකයන්ට තානාපති…