බැරැක් ඔබාමාගේ පෞද්ගලික සූපවේදියා අභිරහස් ලෙස මියයයි !

එක්සත් ජනපදයේ හිටපු ජනාධිපති බැරැක් ඔබාමාගේ පෞද්ගලික සූපවේදීයා මියගොස් තිබෙනවා.

ඔහුගේ සිරුර ඔබාමාගේ පවුලේ නිවස අසල වැවක තිබියදී සොයාගෙන ඇති බව සඳහන්. Paddle Boarder කරුවෙකු දිය යටට ගොස් නැවත මතු නොවු බවට ලැබුණු පුවතක් මත බලධාරීන් අතුරුදහන් වූ පුද්ගලයා සෙවීම ආරම්භ කර තිබෙනවා.

Massachusetts ප්‍රාන්ත පොලිසිය පැවසුවේ, සිරුර පරික්ෂා කිරීමේදී එය හිටපු ජනපතිගේ සූපවේදියා වූ Tafari Campbell ලෙස තහවුරු කරගත් බවයි.

එමෙන්ම ක්‍රීඩාවේ නිරතවන අවස්ථාවේදී ඔහු ජීවිතාරක්ෂක කබායක් පැළඳ සිට නොමැති බව Massachusetts ප්‍රාන්ත පොලිසිය පැවසුවා.

මියයන විට ඔහු 45 වැනි වියේ පසුවුණ අතර දරුවන් දෙදෙනෙකුගේ පියෙකු වනවා.

මින් පෙර ඔහු ධවල මන්දිරයේ සේවය කර තිබෙනවා.

නමුත් 2016 දී බැරැක් ඔබාමා ජනාධිපති ධූරයෙන් ඉවත් වීමෙන් පසුව ඔබාමා පවුලේ සුපවේදියා ලෙස ඔහු කටයුතු කර තිබුණා.