කොළඹ ජාතික රෝහලේ රුපියල් කෝටි දහතුනක හිඟ විදුලි බිලෙන් රුපියල් කෝටි දොළහක් අද (28 වැනිදා) විදුලිබල මණ්ඩලයට පියවයි.
එම රුපියල් කෝටි දොළහක මුදල සෞඛ්‍ය අමාත්‍යාංශය ඊයේ ( 27 වැනිදා) ජාතික රෝහලට ලබා දුන්නේ ය.
කොළඹ ජාතික රෝහල ඇතුළු රෝහල් හතක රුපියල් කෝටි දහසයක හිඟ විදුලි බිල් පවතින බව අනාවරණය වූ අතර මෙම තත්ත්වය සම්බන්ධයෙන් සෞඛ්‍ය ඇමැති කෙහෙළිය රඹුක්වැල්ල සහ අමාත්‍යාංශයේ ඉහළ නිලධාරින් අතර සාකච්ඡාවක් පැවැත්විණි. ඉහත මුදල ලබා දීමට තීරණය කර ඇත්තේ එම සාකච්ඡාවේ දී ය.
සෞඛ්‍ය අමාත්‍යාංශය මගින් පාලනය වන කිසිදු රෝහලක විදුලිය ඉදිරි මාස 2ක කාලයක් සඳහා විසන්ධි නොකිරීෙම් සහතිකය ලංකා විදුලිබල මණ්ඩලය ලබා දුන් බව සෞඛ්‍ය අමාත්‍යාංශයේ අතිරේක ලේකම් විශේෂඥ වෛද්‍ය සමන් රත්නායක ප්‍රකාශ කරයි. මහනුවරදී මාධ්‍යට අදහස් දක්වමින් ඔහු මේ බව පැවසුවේය. සෞඛ්‍ය ඇමැතිවරයා සහ සෞඛ්‍ය අමාත්‍යාංශයේ ලේකම්වරයා විදුලිබල මණ්ඩලයේ සභාපතිවරයා සමග ඇතිකරගත් එකඟතාවයකට අනුව මෙම සහතිකය ලබා දී ඇත.
කොළඹ ජාතික රෝහල, ද සොයිසා කාන්තා රෝහල, ශ්‍රී ලංකා ජාතික දන්ත රෝහල, රිජ්වේ ආර්යා ළමා රෝහල, මාලිගාවත්ත වෘක්කවේද කාන්දු පෙරීම හා වකුගඩු බද්ධ කිරීමේ ජාතික මධ්‍යස්ථානය, ජාතික අක්ෂි රෝහල, කාසල් වීදියේ කාන්තා රෝහල එම රෝහල් හතක රුපියල් කෝටි දහසයකට ආසන්න හිඟ විදුලිය බිල කඩිනමින් ගෙවීමට අපොහොසත් වුවහොත් සෞඛ්‍ය අමාත්‍යාංශයට අයත් රෝහල් හතක විදුලිය විසන්ධි කිරීමට ලංකා විදුලිබල මණ්ඩලය තීරණය කර තිබිණි.
ප්‍රමිතියෙන් තොර හියුමන් ඉමියුනොග්ලොබියුලින් ප්‍රතිදේහ එන්නත් මිලදී ගැනීමේ සිද්ධිය සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල…
අමාත්‍ය මණ්ඩල සංශෝධනයක් හෝ අග්‍රාමාත්‍ය ධුරයේ වෙනස්වීමක් පිළිබඳව කිසිම අවස්ථාවක ආණ්ඩුව තුළ සාකච්ඡාවක් සිදුකර නොමැති…
හිටපු අමාත්‍ය ඩලස්ගේ වට්ස්ඇප් ගිණුම වෙනත් අයෙකු විසින් හැක් කර ඇති බව වාර්තා වේ. අනතුරුව…
ලංකා විදුලිබල මණ්ඩලයේ නව සභාපති ලෙස ඉංජිනේරු මහාචාර්ය කේ.ටී.එම්.යූ. හේමපාල පත්කර ඇති බව වාර්තා වේ.…
ශ්‍රී ලංකා ක්‍රිකට් ආයතනය සමග ගිවිසුම්වලට එළඹ සිටින ජාතික තලයේ ක්‍රිකට් ක්‍රීඩකයින් එම ආයතනයේ සේවකයින්…
අද (03) දහවල් පුද්ගලයෙකු විසින් පුලියන්කුලම පොලිස් බල ප්‍රදේශයේ පදිංචි ගුරුවරියකුගේ ගෙල කපා පුලියන්කුලම පොලිස්…