උමාරා සිදු වූ සිත් රිදවීමට සමාව ගනියි !

2023 ලංකා ප්‍රිමියර් ලීග් තරඟාවලියේ සමාරම්භක උත්සවයේදී උමාරා විසින් ගායනා කරන ලද ජාතික ගීය සම්බන්ධව ඇය විසින් සමාව ඉල්ලා සිටිනවා.

එහිදී ඇය සඳහන් කර ඇත්තේ ,

”LPL සමාරම්භක උත්සවයේ දී ජාතික ගිය මා විසින් ගායනා කරන ලද අතර, සමහර වචන මා විසින් උච්චාරණය කරන ලද ආකාරය පිළිබඳව ගැටලු සහගත තත්ත්වයක් ඇති වී ඇති බව මගේ අවධානයට යොමු වී ඇත. මේ සම්බන්ධයෙන් මා කියා සිටින්නේ, මා ශ්‍රී ලාංකිකයකු වශයෙන් මම නිතරම ශ්‍රී ලංකා ධජය මහත් අභිමානයෙන් ඔසවා ඇති බවත්, තම මාතෘ භූමියට ආදරය කරන ගායිකාවක් වශයෙන් මා විසින් සෑම අවස්ථාවකදීම මගේ රටේ අභිමානය නගා සිටුවීම සඳහා ගීත ගායනයෙන් මෙන්ම විවිධ ආකාරයෙන් මගේ උපරිම ශක්ති ප්‍රමාණනයෙන් කටයුතු කර ඇති බවයි”

ජාතික ගීයේ වචන විකෘති කිරීමට හෝ කිසිඳු ආකාරයක වැරදි අර්ථ කථනයක් සැපයීමට ඇය කිසිවිටකත් අදහස් නොකළ බවයි එහිදී ඇය පවසා ඇත්තේ.

කෙසේ වෙතත් රටේ ජනතාවගේ හැඟීම් වැටහෙන බැවින්, ගායනය නිසා පීඩාවට පත් වූ හා සිත් රිදවීමට ලක්වු සෑම කෙනෙකුගෙන්ම ඇය සමාව අයදින බව ද සඳහන්.