පාසල්වලට ලබා දී තිබෙන පානීය ජල පද්ධතියෙන් පිහිනුම් තටාකවලට, නිල නිවාස හා පාසලේ ඉදිකිරීම් සඳහා ජලය සපයා ගැනීම අත්හිටුවමින් චක්‍රලේඛයක් නිකුත් කිරීමට අධ්‍යාපන අමාත්‍යාංශය තීරණය කර ඇත.
පාසල්වල දිගින් දිගටම සිදුවන ජල නාස්තිය පාලනය කිරීම සඳහා අධ්‍යාපන අමාත්‍යාංශය, ජල සම්පත් හා ජලාපවහන මණ්ඩලය සහ මහා භාණ්ඩාගාරය එක්ව සාකච්ඡා කිරීමෙන් පසුව මෙම පියවර අනුගමනය කිරීමට තීරණය කර තිබේ.
මෙ අනුව පාසලේ එක් සිසුවකු සඳහා දෛනිකව ලීටර් 20ක් පමණක් ලබාදීමට ජාතික ජල සම්පත් හා ජලාපවහන මණ්ඩලය තීරණය කර ඇති අතර ඒ සඳහා යන වියදම මහා භාණ්ඩගාරය විසින් දැරීමට නියමිතය.
ජාතික ජලසම්පාදන හා ජලාපවහන මණ්ඩලය විසින් 1988 වසරේ සිට පාසල්වලට නොමිලේ ජලය ලබා දීමට කටයුතු කරන ලදී. මෙලෙස පාසල්වලට නොමිලේ ලබාදෙන ජලය පාසලේ පිහිනුම් තටාකවලට ඉදිකිරීම් කටයුතුවලට සහ නිල නිවාසවලට සපයා ගන්නා බැවින් එය පාලනය කිරීමට මණ්ඩලය අවධානය යොමු කර තිබේ.
අදාළ ජල ප්‍රමාණයට වැඩි ජල ප්‍රමාණයක් පාසලේ පරිහරණය කෙරෙන්නේ නම් එය පාසල් සංවර්ධන සමිතිය විසින් ජාතික ජල සම්පාදන හා ජලාපවහන මණ්ඩලයට ගෙවිය යුතු බව එම මණ්ඩලයේ නියෝජ්‍ය සාමාන්‍යාධිකාරි (වාණිජ) පියල් පත්මනාථ පැවැසීය.
ජල සම්පත් නාස්තියකින් තොරව ආරක්ෂා කිරීමේ අරමුණින් මෙම පියවර ගන්නා බවද නියෝජ්‍ය සාමාන්‍යාධිකාරිවරයා කීවේය.
කලවාන ප්‍රාදේශීය සභා නව මන්ත්‍රී සුජීව පුෂ්පකුමාර අද (ජුනි 2) විදුලි සැර වැදී මිය ගොස්…
ලොව පුරා පැතිර යන නව කොවිඩ් වෛරසය සම්බන්ධව වර්තමාන තත්ත්වය පැහැදිලි කරමින් සෞඛ්‍ය හා ජනමාධ්‍ය…
හිටපු මුදල් අමාත්‍ය රවී කරුණානායක ගොනු කළ පෙත්සමක්, ශ්‍රේෂ්ඨාධිකරණය විසින් ප්‍රතික්ෂේප කර තිබෙන බව වාර්තා…
දූෂණ චෝදනා මත අල්ලස් කොමිසම විසින් අත්අඩංගුවට ගන්නා ලද තලවකැලේ ලිඳුල නගර සභාවේ හිටපු සභාපති…
පසුගිය වසරේ ජනවාරි 10 වන දින ගලබොඩවත්ත කොරොතොට ප්‍රදේශයේදී පුද්ගලයෙකු වෙඩි තබා ඝාතනය කිරීමේ සිද්ධියේ…
උසාවියට අපහාස කරන කළැයි කියමින් පුත්තලම මහාධිකරණයෙන් රිමාන්ඩ් බාරයට පත් කිරීමෙන් පසු අභියාචනාධිකරණ විසින් නොපමාව…