ශ්‍රී ලංකා විදුහල්පති සේවයේ තුන්වන ශ්‍රේණියේ පවතින පුරප්පාඩු පිරවීම සඳහා නව තරඟ විභාගයක් සහ සම්මුඛ පරීක්ෂණ පැවැත්වීමට තීරණය කර ඇතැයි නීතිපතිවරයා ශ්‍රේෂ්ඨාධිකරණයට දන්වා තිබෙනවා.
ශ්‍රී ලංකා විදුහල්පති සේවයේ තුන්වන ශ්‍රේණියේ නව පත් කිරීම් සිදු කිරීම සම්බන්ධයෙන් ගොනු කර තිබූ මූලික අයිතිවාසිකම් පෙත්සම් කිහිපයක් ඊයේ කැඳවූ අවස්ථාවේදී නියෝජ්‍ය සොලිසිටර් ජනරාල් නිර්මලන් විග්නේෂ්වරන් මෙම දැනුම්දීම සිදු කරනු ලැබුවා.
අගවිනිසුරු ජයන්ත ජයසූරිය, ජනක් ද සිල්වා සහ ශිරාන් ගුණරත්න යන ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ල ඉදිරියේයි පෙත්සම් කැඳවා තිබුණේ.
එහිදී නීතිපතිවරයා වෙනුවෙන් පෙනී සිටි නියෝජ්‍ය සොලිස්ටර් ජනරාල්වරයා අධිකරණය හමුවේ කරුණු දක්වමින් කියා සිටියේ මෙම පෙත්සම් සම්බන්ධයෙන් සමතයක් යෝජනා කළ හැකි බවයි.
ඒ අනුව විදුහල්පති සේවයේ තුන්වන ශ්‍රේණියට බඳවා ගැනීම සඳහා නව අයදුම්පත් කැඳවා විභාගයක් සහ සම්මුඛ පරීක්ෂණයක් පැවැත්වීමෙන් අනතුරුව අදාළ පත්වීම් සිදු කිරීමට තීරණය කර ඇති බවත් ඔහු සඳහන් කළා.
එම විභාග පැවැත්වීම ලබන වසරේ ජනවාරි මස වන විට සිදුකළ හැකි බව ද පිළිතුරු පත් ඇගයීමෙන් පසුව සම්මුඛ පරීක්ෂණ පැවැත්වීමේ කටයුතු ලබන වසරේ අගෝස්තු මස පමණ වනවිට සිදුකළ හැකි බවද නියෝජ්‍ය සොලිසිටර් ජනරාල්වරයා පැවසුවා.
මෙකී තනතුරු සඳහා පත්වීම් සිදු කිරීම අත්හිටුවමින් ශ්‍රේෂ්ඨාධිකරණය විසින් අතුරු තහනම් නියෝගයක් නිකුත් කර ඇති බැවින් මෙම අවස්ථාවේදී අදාළ පත්වීම් සිදු කළ නොහැකි අතර ලබන වසර වන විට එම කරුණ සමතයකට පත් කිරීමට හැකි බවත් ඔහු කියා සිටියා.
එම සමතයට පෙත්සම්කාර පාර්ශ්වයේ නීතිඥවරුන් එකඟතාවය පළ කර තිබෙනවා.
කහතුඩුව ප්‍රදේශයේ සිට සුදු පැහැති වෑන් රථයකින් පැහැරගෙන ගිය බව කියන 15 හැවිරිදි පාසල් සිසුවෙකු,…
ඉකුත්දා කොළඹ ,හැව්ලොක් සිටි නිවාස සංකීර්ණයේ කාන්තාවක් සතුව තිබී රන් ආලේපිත ගිනිඅවියක් සොයා ගැනීමේ සිද්ධිය…
නව අධ්‍යාපන ප්‍රතිසංස්කරණය තුළ ඉතිහාසය සහ සෞන්දර්ය විෂයන් ඉවත් කර ඇති බවට අසත්‍ය ප්‍රචාර කරමින්…
අයථා ලෙස වත්කම් උපයා ගැනීමේ චෝදනාව සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල, ඔහුගේ බිරිඳ, දියණියන්…
රුපියල් කෝට් 5කට අධික වටිනාකමින් යුත් කුෂ් මත්ද්‍රව්‍ය තොගයක් සමග විදෙස් ජාතික කාන්තාවක් කටුනායක ජාත්‍යන්තර…
පසුගිය දා බොරැල්ල පොලිස් වසමේ සර්පන්ටයින් පාර ප්‍රදේශයේදී වෙළෙඳසැලක සිටි පුද්ගලයෙකුට වෙඩිතැබීමේ සිද්ධිය සම්බන්ධයෙන් ඊට…