දක්ෂිණ අධිවේගී ගැලනිගම මාතර දෙසට ඇතුල්වීමේ දොරටුව අසල රාජකාරියේ යෙදී සිටි පොලිස් සැරයන්වරයකුගේ ක්ෂණික ක්‍රියාත්මකවීමෙන් පැහැරගෙන යමින් සිටි තිස් හත්හැවිරිදි කාන්තාවක් සහ ඇයගේ වයස අවුරුදු 7 හා 15 දරු දෙදෙනා සමඟ පුද්ගලයන් දෙදෙනෙක් අත්අඩංගුවට ගැනීමට හැකි වූ බව පොලීසිය පවසයි.
අත්අඩංගුවට ගත් සැකකරුවන් දෙදෙනා අතර කාන්තාව නීත්‍යානුකූල සැමියා ද වන බව පොලිසිය කියයි.
සැකකරු සන්තකයේ තිබූ මන්නයක් ද පොලිස් භාරයට ගෙන තිබේ.
පැහැරගැනීමට ලක්වූ කාන්තාවගේ පළමු සැමියා මිය යාමෙන් අනතුරුව දෙවන සැමියා ලෙස නීත්‍යානුකූල නොවන ආකාරයෙන් පුද්ගලයකු සමඟ කාලයක් ගත කර දෙදෙනා අතර ඇතිවූ අමනාපයක් මත වෙන්වී තෙවන සැමියා වන ප්‍රධාන සැකකරු සමඟ නීත්‍යානුකූලව විවාහ වී ගාල්ල තල්පේ ප්‍රදේශයේ පදිංචිව සිට තිබේ.
අනතුරුව එම පුද්ගලයා සමගද අමනාප වූ කාන්තාව දරු දෙදෙනා සමඟ බණ්ඩාරගම ගුන් ගුමුව නිවසට පැමිණ සිටියදී ප්‍රධාන සැකකරු ඔහුගේ මිතුරකු සමඟ මෝටර් රථයෙන් එම නිවසට කඩා වැදී තර්ජනය කර එම කාන්තාව සහ දරු දෙදෙනා පැහැරගෙන මෝටර් රථයේ නංවාගෙන අධිවේගී මාර්ග ඔස්සේ මාතර දෙසට යාම සඳහා පැමිණ ප්‍රවේශ පත්‍රය ලබා ගැනීම සඳහා පිවිසුම අසල නතර කිරීමේදී ” මාව බේරා ගන්න” යැයි මහ හයියෙන් කාන්තාවක් කෑගසන හඬ ඇසුණු පොලිස් සැරයන්වරයා වහා ක්‍රියාත්මක වී මෝටර් රථය නවතා සැකකරුවන් අත්අඩංගුවට ගැනීමට යුහුසුළු වී ඇතැයි පොලිසිය කීවේය.
නව ආණ්ඩුක්‍රම ව්‍යවස්ථාවක් සම්පාදනය කිරීමට පෙර ආණ්ඩුක්‍රම ව්‍යවස්ථාවට සංශෝධනයක් ගෙන ඒම සම්බන්ධයෙන් ආණ්ඩුව අභ්‍යන්තරයේ සාකච්ඡාවක්…
කාන්තාවන්ගේ අත්බෑග් සහ ජංගම දුරකථන කොල්ලකෑමක් සම්බන්ධයෙන් තරුණයන් දෙදෙනෙකු පිළියන්දල පොලීසිය මගින් අත්අඩංගුවට ගෙන ඇත.…
ටිම් ඩේවිඩ්ගේ ප්‍රහාරත්මක ඉනිම හේතුවෙන් බ.ඉ. කොදෙව් කණ්ඩායමට එරෙහි තෙවන විස්සයි20 ක්‍රිකට් තරගයෙන්ද කඩුලු 6ක…
ඩුබායි රාජ්‍යයේ රැඳීසිටිමින් මෙරට සංවිධානාත්මක අපරාධ ජාලය මෙහෙයවන 'බස් ලලියා' හෙවත් ලලිත් කන්නන්ගරගේ මත්ද්‍රව්‍ය ජාවාරම…
ව්‍යාජ යැයි සැක කළ හැකි යුවාන් 100 මුදල් නෝට්ටු 4000ක් සන්තකයේ තබාගෙන සිටි සැකකරුවෙකු රත්නපුර…
ගලේවෙල මකුළුගස්වැව, හීනුගල රක්ෂිතයේ ගැබ්බර මුවදෙනකු ඝාතනය කළ සිද්ධියට අත්අඩංගුවට ගත් සැකකරුවන්ගෙන් ප්‍රශ්නකිරීමේදී තවත් කරුණු…