තුර්කියේ, ඉස්තාන්බුල් ගුවන්තොටුපළේ ව්‍යාපෘතියක සේවය කරන ශ්‍රී ලාංකිකයින් පිරිසක් රැගත් බස් රථයක් පෙරළී 27 දෙනෙකු තුවාල ලබා තිබේ.
අනතුර සිදුවන අවස්ථාවේ බස් රථය තුළ ශ්‍රී ලාංකිකයින් 39 දෙනෙක් සිට ඇති බව වාර්තාවෙයි
තුර්කියේ ඉස්තාන්බුල් ගුවන් තොටුපොළේ සිදුකෙරෙන සංවර්ධන ව්‍යාපෘතියක සේවයේ නියුතු ශ්‍රී ලාංකිකයින් පිරිසක් රැගෙන යමින් තිබූ බස් රථයක් මෙලෙස අනතුරට ලක්ව ඇත.
වැඩ මුරය අවසන් කළ ශ්‍රී ලාංකිකයින් පිරිස බස් රථයකින් සිය නවාතැන් වෙත ගමන් කරද්දි ඉයුප්සුල්තාන් ප්‍රදේශයේදී බස් රථය පෙරළී තිබේ.
උමං මාර්ගයක් මතින් ගමන් කරමින් තිබූ බස් රථය එකවර රියදුරාගේ පාලනයෙන් ගිලිහි ප්‍රධාන මාර්ගයෙන් පිටතට පැන මීටර් 6 ක් පමණ වන ප්‍රපාතයකට ඇද වැටී ඇති බව වාර්තාවෙයි.
තුර්කි ජාතික රියදුරා සමග ශ්‍රී ලාංකිකයින් 39 දෙනෙකු එම අවස්ථාවේ බස් රථය තුළ සිට ඇති අතර ඉන් 27 දෙනෙකු තුවාල ලබා ඇතැයි පැවසෙයි.
මේ අතර අනතුරින් තුවාල ලැබූ ශ්‍රී ලාංකිකයින් පිළිබඳ සොයා බැලීම සඳහා තුර්කියේ ශ්‍රී ලංකා තානාපති කාර්යාලයේ නියෝජිතයෙකු ඉස්තාන්බුල් දක්වා පිටත්කර යැවීමට පියවර ගන්නා බව තුර්කියේ ශ්‍රී ලංකා තානාපති කාර්යාලය පවසයි.
අනතුර සම්බන්ධයෙන් අදහ දැක්වූ ඉයුප්සුල්තාන් දිස්ත්‍රික් ආණ්ඩුකාර ඉහසන් කාරා මෙසේ පැවසීය,
බස් රථය ඇද වැටෙන අවස්ථාවේ ඒ තුළ 39 දෙනෙකුගෙන් සමන්විත පිරිසක් සිට තිබෙනවා. නමුත් දෙවියන්ට ස්තුති වන්නට ඔවුන් කාටවත් බරපතළ අනතුරක් නැහැ වගේම ජීවිත හානියකුත් නැහැ. අපි ඔවුන් ගිලන්රථ හරහා කඩිනමින් රෝහල්ගත කිරීමට ක්‍රියා කළා. තුවාල ලැබූවන් ගණන 27 ක්. ඔවුන් සියල්ල දැන් ප්‍රතිකාර ගනිමින් සිටිනවා.
රක්ෂිත බන්ධනාගාරගත කර සිටින 2017 – 2019 කාල වකවානුවේ ජාතික ලොතරැයි මණ්ඩලයේ ක්‍රියාකාරි අධ්‍යක්ෂවරයෙකුව සිටි…
ඕස්ට්‍රේලියානු සුපිරි තුන් ඉරියව් ක්‍රීඩක ග්ලේන් මැක්ස්වෙල් එක්දින ක්‍රිකට් පිටියට සමුදීමට තීරණය කර ඇති බව…
කොළඹ සිට මස්කෙළිය දක්වා ධාවනය වු ලංගම බස් රථයක් අද (02) උදෑසන 8:30ට පමණ අනතුරට…
වත්මන් මුදල් අමාත්‍යාංශ ලේකම් මහින්ද සිරිවර්ධන මෙම මස අග දී, දැනට දරන මුදල් අමාත්‍යාංශ ලේකම්…
පානදුර, වලාන, ගැමුණු මාවත ප්‍රදේශයේ අද (02) උදෑසන 8ට පමණ වෙඩිතැබීමේ උත්සාහයක් ව්‍යාර්ථ වී ඇතැයි…
කොරෝනා වෛරසය සම්බන්ධයෙන් පැතිර යන විවිධාකාරයේ තොරතුරු මත පදනම්ව ඉදිරියේදී සියළු කරුණු අඩංගු චක්‍රලේඛ දෙකක්…