වැල්ලවත්තේ සිට ගාලු මුවදොර දක්වා වෙරළ තීරයට ඊයේ (21) සහ අද (22) දිනයේදීත් කැස්බෑ මළසිරුරු 10කට වැඩි ප්‍රමාණයක් අසාමාන්‍ය ලෙස ගොඩගසා තිබේ.
කැස්බෑ සංරක්ෂණ ප්‍රදේශයක් ලෙස නම් කර ඇති ගාලු මුවදොර මෙන්ම කැස්බෑවුන් නිතර ගැවසෙන වැල්ලවත්ත සහ දෙහිවල ඇතුළු වෙරළ තීරයට ඊයේ කැස්බෑ මළසිරුරු 02ක් සහ අද තවත් මළසිරුරු 07කට වැඩි ප්‍රමාණයක් ගොඩගසා තිබුණි.
අසාමාන්‍ය ලෙස ගොඩ ගසා තිබූ මෙම කැස්බෑ මළසිරුරු කිහිපයක ඇස් ඉදිමී ඇති අතර, ඇතැම් සිරුරුවලින් රුධිරය වහනය වන ආකාරයද දක්නට ලැ‍බේ.
මේ සම්බන්ධයෙන් නාවික හමුදාව කළ දැනුම්දීම අනුව වන ජීවී සංරක්ෂණ දෙපාර්තමේන්තුව සහ නාරා ආයතනය අදත් එම ස්ථානයට පැමිණ පොලීසිය හා නාවික හමුදාව සමග එක්වී විමර්ශන ආරම්භ කර තිබුණි.
ඒ අනුව වන ජීවි සංරක්ෂණ දෙපාර්තමේන්තුව කොළඹ කොටුව මහෙස්ත්‍රාත් අධිකරණය වෙත මෝසමක් ගොනු කරමින්, ගාලු මුවදොර වෙරළ තීරයට ගොඩගසා තිබූ කැස්බෑ මළසිරුරු 04 ද අධිකරණය හමුවට ඉදිරිපත් කෙරුණි.
එහිදී කොළඹ කොටුව මහෙස්ත්‍රාත් තිලිණ ගමගේ මහතා බෙල්ලන්විල පශු වෛද්‍ය නිලධාරීවරයාට නියෝග කළේ, පශ්චාත් මරණ පරීක්ෂණ සිදුකර මෙම කැස්බෑවුන්ගේ මරණවලට හේතුව සම්බන්ධයෙන් වාර්තාවක් අධිකරණයට දන්වන ලෙසය
කුලියාපිටිය කාර්මික විද්‍යාලයේ පළමු වසරේ සිසුවියක් නවකවධය දරාගත නොහැකිව වැවකට පැන සියදිවි නසාගැනීමට උත්සාහ කර…
අධ්‍යාපන ඩිජිටල් පරිවර්තනය සඳහා වූ කාර්ය සාධක බලකායක් ස්ථාපිත කිරීමට කැබිනට් අනුමැතිය ලැබී ඇති බව…
ජනාධිපතිවරණය ප්‍රකාශයට පත් කිරීමෙන් පසු සුරා බදු පනතට පටහැනි අන්දමින් නව මත්පැන් බලපත්‍ර නිකුත් කිරීම…
ප්‍රමිතියෙන් තොර හියුමන් ඉමියුනොග්ලොබියුලින් ප්‍රතිදේහ එන්නත් මිලදී ගැනීමේ සිද්ධිය සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල…
අමාත්‍ය මණ්ඩල සංශෝධනයක් හෝ අග්‍රාමාත්‍ය ධුරයේ වෙනස්වීමක් පිළිබඳව කිසිම අවස්ථාවක ආණ්ඩුව තුළ සාකච්ඡාවක් සිදුකර නොමැති…
හිටපු අමාත්‍ය ඩලස්ගේ වට්ස්ඇප් ගිණුම වෙනත් අයෙකු විසින් හැක් කර ඇති බව වාර්තා වේ. අනතුරුව…